Verhit oond tot 180 ºC.
Smeer ‘n groot reghoekige oondbak.
Verhit pan op stoof en braai uie tot deurskynend.
Haal uit en hou eenkant.
Vermeerder hitte, voeg vleis by en braai vir 2-3 min.
Verminder hitte, voeg die speserye, sout en peper by en roerbraai vir 2 min.
Plaas Tacosous in vlak ronde bak en sleep tortilla daardeur.
Skep bietjie vleis in die middel van elke tortilla, sit bietjie uie bo-op en rol op.
Plaas die opgerolde tortilla’s soomkant onder in die bak, giet die res van die Tacosous bo-oor en strooi kaas oor.
Bak vir 30 min.
