RINA SE PIESANGBROOD

RINA SE PIESANGBROOD
Beste in die weste, probeer hom gerus
3 groot piesangs, fyngedruk
½ koppie margarien
¼ teelepel sout
2 eiers
1 teelepel vanilla
2 koppies koekmeel
1 ½ teelepel bakpoeier
1 teelepel koeksoda
½ koppie karringmelk of suur gemaakte melk
1 ½ koppie suiker

Meng fyn piesang, suiker en sagte margarien goed. Sif meelblom, bakpoeier en sout saam en voeg by piesang mengsel. Meng eiers baie goed en voeg by mengsel. Meng vanilla en koeksoda met melk en voeg laaste by. Meng goed.
Bak by 180°C tot bruin en gaar ongeveer ‘n uur tot uur en 15 min hang af van die oond.
Toets met toothpick in die middel van die brood, indien skoon uitkom, is broodjie gereed.
NOTA: Jy kan ook so 3/4 kp gekapte neute en/of klapper insit indien verkies.
Resep:  Rina Kleinhans.
Foto:  Elize de Kock en Frances Smith

Rina Kleinhans
Ek het vanoggend die broodjie gebak, maar omdat ek net 2 groot piesangs gehad het, het ek twee klein appeltjies gerasper en bygesit, en dan 125 ml klapper ekstra. Ek lees gister Ina Paarman gee die raad, wanneer jou piesangs baie baie ryp is, is dit baie goed om eerder met karringmelk of jogurt te bak, dan kry mens beter tekstuur… nou ek het met karringmelk gebak en ek moet sê die broodjie voel vir my baie goed.

Wian Swart
Het die resep verdubbel, maar net 2 koppies suiker gebruik met ‘n eetlepel heuning. Ek het ook nutty wheat meel gebruik en ‘n teelepel asyn in die melk. Dis rerig die lekkerste piesangbrood resep.

Bak die broodjie in ‘n ring pan en versier
Versiersel: 1 koppie versiersuiker met suurlemoensap gemeng tot loperig en dan oor ge-“drizzle” met gekapte pekaneute.
Foto: Natacha Visagie

Share this...

Facebook

Pinterest

Twitter

Linkedin