ARGENTYNSE WORTELS
Probeer gerus die resep. Die Jeera (komyn saad) gee ‘n baie lekker smaak aan die wortels.
500 g jullienne wortels
39 g botter
100 g rosyne
2 huisies knoffel, gekneus
5 ml sout
7 ml suurlemoensap
3 ml komynsaad
3 ml fyn kaneel
2 ml witpeper
2 ml tiemie
1 lourierblaar
knippie bruinsuiker
Plaas wortels en rosyne in ‘n kastrol, bedek met water en bring tot kookpunt en laat vir 2 min prut.
Dreineer en reserveer 150 ml van die vloeistof.
Smelt botter oor lae hitte voeg sout, peper, komyn, kaneel, knoffel, suiker en tiemie by.
Bedek en laat vir 5 min prut. Voeg lourierblaar, suurlemoensap en vloeistof by en laat vir 5 min prut.
Voeg wortels by en meng liggies totdat wortels deurwarm is.
Verwyder lourierblaar, sprinkel suurlemoen sap en bedien.
Hierdie dis komplimenteer enige gekookte of oondgebraaide vleis disse.
Resep geplaas deur Rina Kleinhans
Foto: Piet Pompies
