KOSHUIS MACARONI
½ pak macaroni
½ teelepel sout
2 koppies melk
2 Jumbo eiers
1 koppie kaas
sout en peper
Kook die macaroni en sout in water tot net sag. Dreineer.
Klits eiers, voeg melk en geurmiddels by. Meng macaroni, kaas en eiermengsel.
Skep in gesmeerde bak. Pak gesnyde tamatieskywe op, strooi nog kaas oor, dot met botterklontjies.
Bak in matige oond 180 ºC tot gestol.
Notas:
Ek maak die resep dubbeld aan en voeg partykeer mosterdpoeier en spek by maar net so is heerlik.
Dit hang af hoe groot bak jy gebruik, die macaroni stukkies moet bedek wees met die melk/eiermengsel anders steek daar punte uit wat hard bak.
Ek sit skyfies tamatie oor en strooi nog kaas oor en bak dit tot dit stol. Nog geen probleme gehad nie.
Ek gebruik Jumbo eiers. So as iemand dalk klein eiertjies het gebruik liewer 4.
Bron: Rina Shorty
Plasing: Heiner Lange
