VANILLA KOLWYNTJIES
375 ml koekmeelblom
7.5 ml bakpoeier
160 ml witsuiker
knippie sout
3 groot eiers
60 ml melk
125 ml margarien
Versiersel
500 g versiersuiker
100 g margarien
5 ml vanielje geursel
± 60 ml melk
Klits margarien goed. Klits versiersuiker stadig by. Voeg dan melk bietjies gewys by terwyl jy aanhoudend klits totdat dit die regte smeerbaarheid het. Voeg geursel by en klits tot romerig.
Meng meel, bakpoeier en sout in ‘n bak.
Klits botter en suiker vir 5 minute op medium spoed.
Voeg eiers een vir een by en klits goed tussen byvoegings.
Sit menger op stadige spoed en voeg helfte van meelmengsel by. Klits vir paar sekondes tot goed gemeng.
Voeg melk en geursel by en klits tot net gemeng. Roer oorblywende meel in. Skep in muffin pan met papierhouertjies.
Bak 20-25 minute by 180°C tot gaar.
Maak 12 groot kolwyntjies.
Versier soos verkies.
Foto en resep: Elaine Steyn Steyn
