MIKROGOLFOOND MELKTERT
1 pakkie tennisbeskuitjies
100 ml maizena
125 ml suiker
1 eier
1 liter melk
7.5 ml vanilla geursel
2 eetlepels botter/volvet margarien
kaneel
Maak die koekies fyn en skep onderin ‘n tertbak. Gebruik ‘n mikrogolfoondbak en plaas die melk, suiker, eier en maizena daarin. Klits met ‘n draadklopper en plaas in mikrogolfoond vir 2 minute, haal uit en klits weer en sit weer terug in mikrogolfoond vir 2 minute. Herhaal totdat die vla dik is. Roer die botter/margarien en vanilla geursel in. Skep oor die tertkors en sif kaneel oor. Verkoel.
Resep en foto: Gillian Vermeulen
