LELANE SE PRUIM KONFYT
2 kg pruime, ontpit en in kwarte gesny (behou skil)
500 ml (2 koppie) water
2 kg suiker
knypie vars gemmer
knypie fyn kaneel
knypie suurlemoen zest
10 ml (2 teelepels) suurlemoensap
Sit pruime en pitte in kastrol en voeg water daarby.
Kook oor lae hitte tot skille sag is, ongeveer 20 minute.
Skep pitte uit. Roer suiker by. Kook ongeveer 15 minute totdat suiker opgelos is. Roer gereeld sodat suiker kan oplos.
Roer gemmer, kaneel en suurlemoensap by. Kook nog 60 minute oor lae hitte.
Drup van konfyt op koue piering of op metaalgedeelte van wasbak. Sodra konfyt ‘n balletjie vorm, is dit reg.
Skep skuim wat op konfyt gevorm het met gaatjieslepel af.
Skep in skoon, gesteriliseerde glasbottels.
Ek het resep 3 x aangemaak en sowat 7 liter konfyt uitgekry. Ekt ook net 1 1/2 liter water ingegooi. Al set die stroop nie in die piering toets nie, hy set soos hy afkoel en in yskas.
Resep geplaas deur Lelane van der Walt.
Foto: Lelane van der Walt
