SNACKLE DOPPIES MET VULSELS
(Maak 6 dosyn)
1 eier
½ koppie melk
½ koppie water
1 koppie koekmeel
knippie sout
Klits eier, melk en water saam.
Voeg meel en sout by en klits baie goed.
Laat rus vir 30 minute.
Doop warm snackle yster in deeg en bak in diep olie tot gaar.
Dreineer op handdoek papier.
Komkommer en eier vulsel vir snackle doppies:
(Vul 3 dosyn doppies)
2 koppie komkommer (pitte verwyder, gerasper en gedreineer)
2 gekookte eiers (fyn gedruk)
2 eetlepels mayonnaise
Sout en Peper na smaak
Verwyder pitte van komkommer, rasper en gooi in sif om goed te dreineer. Meng met res van bestanddele en skep in doppies.
Salm vulsel vir snackle doppies:
(Vul 3 dosyn doppies)
1 blikkie pienk salm
2 eetlepels sandwich spread
2 eetlepels mayonnaise
Swart peper na smaak
Meng alles goed deur en skep in doppies.
Resep geplaas deur Bets Lourens
Foto: Bets Lourens
