KANEELROL KOFFIE KOEK
Die naam se wel koffie koek, maar daar is geen koffie in nie.
750 ml koekmeelblom
knippie sout
250 ml witsuiker
20 ml bakpoeier
375 ml melk
2 groot eiers
20 ml vanielje geursel
125 ml gesmelte margarien
250 ml klam donkerbruin suiker
15 ml fyn kaneel
5 ml vanielje geursel
750 ml versiersuiker
75 ml water
Voorverhit oond tot 175°C. Sif meel, sout en bakpoeier saam en meng suiker by.
Klits melk, eiers en geursel saam tot goed gemeng. Voeg droë bestanddele by en meng op stadige spoed tot net gemeng. Voeg gesemlte botter by en meng net tot dit deur gemeng is. Gooi uit in gesmeerde vierkantige / reghoekige pan. Ek het n reghoekige pan van sowat 350 mm by 250 mm gebruik. Meng die kaneel en bruin suiker. Strooi dit nou gelyk bo op jou koekdeeg. Maak liggiese draai bewegings met n skerp mes om van die bolaag met die koekdeeg te meng soos jy met ‘n marmer koek sal maak. Bak dit vir sowat 30-40 minute, tot heeltemal gaar.
Laat dit afkoel tot amper heeltemal koud.
Maak versiersuiker aan met vanielje en net genoeg water om ‘n versiersel te kry soos jy bo op jou doughnuts sal gebruik en gooi of skep dit bo-oor die koek sodat dit heeltemal bedek is. Sodra die bolaag heeltemal gestol is, sny in blokke en bedien.
Foto en resep: Elaine Steyn Steyn
