BIER, AARTAPPEL EN KAASSOP
30 ml botter
1 ui, fyn gesny
2 knoffelhuisies
4 middelslag aartappels, geskil en in blokkies
2 k groente aftreksel
300 g Cheddarkaas, gerasper
340 ml bier
sout en swartpeper na smaak
gesnyde biltong, vir opdiening
Braai ui en knoffel in botter.
Voeg die aartappels en groenteaftreksel by, laat opkook tot aartappels sag is.
Laat effens afkoel en verpulp die sop.
Plaas terug op die stoof en verhit.
Voeg die gerasperde kaas by en meng goed.
Voeg die bier bietjie op ‘n slag by, want hy borrel.
Verlaag die hitte en laat die sop prut tot dit dikker is.
Proe en geur met sout en peper.
Sit voor met fyn biltong.
Foto: Benhet Nieuwenhuis
Nota: ek het net 200 g kaas gebruik.
Maak seker jy gebruik ‘n bier waarvan jy hou, want mens proe difnitief die bier!
Volgens my smaak was die sop bitter maar die ander het dit geniet 😉
