PENNY SE SPLITERTJIE EN BOEREWORS SOP
1 pakkie split ertjies
pakkie beesvleis sopbene
1 kg boerewors (ek verkies die wat sê op pak: gegeur met naeltjies, koljander en neutmuskaat)
1 groot ui, opgekap
4 groot wortels, grof gerasper
1 groen en 1 rooi pepper, opgekap
4 groot aartappels, grof gerasper
2 teelepels gekapte knoffel
sout en peper
BBQ spice
Chicken spice
Chakalaka spice en of cayenne pepper vir ekstra byt
In ‘n lekker groot pot kook split ertjies in genoeg water vir ‘n uur of tot sag. Ek meet maar met my oog.
Gooi dan so 2 tot 3 liter water by en voeg dan al die groente en sopbene by.
Geur met spices sout en peper.
Laat kook vir ‘n uur en ‘n half.
In die tussentyd het ek die wors eenkant gaar gemaak en toe in stukkies gesny. Na sop ‘n uur en ‘n half gekook het, het ek die wors by gemeng en nog so ‘n uur laat kook.
Sit so ‘n bietjie maizina met melk aangemaak by die sop ingeroer, net om dit effens dikker te maak.
Stoof afgesit en sop vir nog so ‘n halfuur op stoof laat staan.
Pas maar self die resep aan met die hoeveelheid water en speserye. Ek proe maar. Die wors gee dit ‘n heerlike geur.
Wors en beesvleis bene kan vervang word met 2 pakkies bacon en ‘n pakkie bacon sop bene. Jy kan ook so ‘n hand of 2 vol gesnyde sop seldery byvoeg.
Resep en foto: Penny van Niekerk
Geskuif