BOEREWORS- EN KOOLBREDIE
Resep geplaas deur Glenda Diane Emmerson
Foto: Glenda Diane Emmerson
FOOD LOVERS RECIPES
Sny die volgende in stukkies/repies:
1 groot ui
3 tamaties
3 wortels
½ koolkop
(Besluit self op hoeveelheid groente)
handvol dania of pietersielie
10 ml knoffel
Haal boerewors uit die derm en rol in balletjies (soveel wors as wat jy wil).
Verhit bietjie olyf olie in groot pan.
Braai uie en wors balletjies tot bruin.
Ek dreineer die olie af.
Voeg die volgende by:
80 ml Worcestershire sous
50 ml blatjang
20 ml paprika
5 ml gemaalde naeltjies
sout en peper na smaak
Sit die groente by bogenoemde mengsel BEHALWE die kool. Meng. Voeg ongeveer 250 ml water by.
Sprinkel 1 pakkie “roast meat gravy” poeier of bruin uiesoppoeier oor en meng.
Voeg nog ‘n koppie water by. Bring tot kookpunt en sit dan op lae hitte, kook tot wortels amper sag is.
Sit kool bo op die vleis/groente/sous. Sit deksel op en prut vir 15 minute.
Kool behoort nou sag te wees. Meng kool in bredie in en prut nog ‘n rukkie.
Besluit self of sous dik genoeg is en of daar genoeg sous is. Pas aan soos nodig.
Bedien saam met rys en nog dania/pietersielie/fennel blare (die fyn bokant).
Lekker saam met pampoen en room spinasie.
geskuif