BROODROLLETJIES VAN VETKOEKDEEG IN DIE OOND GEBAK
2 koppies koekmeel
1 koppie nutty wheat of bruin broodmeel
1 eetlepel suiker
1.5 teelepel sout
7 g kits gis
30 ml kookolie om meet te knie
½ – 1 koppie warm water (moet jou hand daarin kan hou)
Sit die meel, suiker, sout en gis in ‘n mengbak en roer lekker baie met ‘n “whisk” om alles goed gemeng te kry.
Maak gaatjie in die middel van die meel en begin met ongeveer ‘n halwe koppie water, meng en knie, voeg die hele tyd nog bietjie water by en sit bietjie olie aan jou hand en knie, hou aan met water bysit tot jy ‘n lekker elastiese deeg het maar nie te slap nie. Knie nou lekker deur vir ongeveer 5 min.
Maak toe in ‘n olie gesmeerde bak, sit ‘n plastiek sakkie oor en dan ‘n lekker dik vadoek sodat hy lekker warm kry. Laat staan tot verdubbel. (ongeveer 30 min) Knie af en vorm jou rolletjies deur die deeg mooi rond te maak, pak in die pan waarin jy hulle gaan bak, sit eenkant neer om weer te rys tot verdubbel. Smeer met ‘n kwassie bietjie melk wat jy met ‘n teelepel suiker aangemaak het oor die rolletjies net voor jy dit in die oond sit.
NOTA: Ek het my oond verhit tot 40°C, hom afgesit en die rolletjie in die oond laat rys.
Sodra die rolletjies gereed is, haal uit die oond, verhit die oond tot 180°C en sit die rolletjies in die oond, bak vir 25-30 min.
Wanneer jy op hulle klop sal hulle “hol” klink dan weet jy jou rolletjies is gaar.
Eet met lekker botter en konfyt of maak ‘n heerlike burger.
Resep en foto: Rina Kleinhans
