RONEL SE KENTUCKY HOENDER
Hierdie was ons Sondag Middag ete
En watter interesante ete was dit nie.
Het my eie Kentucky hoender soos volg gemaak.
3 lt koue water waarin ek 1/2 kop sout en 3/4 kop suiker in gegooi het en gemeng het. Plaas dan Hoenderstukke daarin en laat staan oor nag.
Volgende oggend haal jy hoender uit en maak dit droog met handoek papier.
Gooi so 2 kop Amasi of Karringmelk in n bak. Voeg nou bietjie sout en peper by vir smaak.
In n ander bak sit jy so
2 kop koekmeel en voeg dan
1/2 eetlepel swart peper
1 teelepel sout
1/2 telepel paprika
1 eetlepel Bbq spice en Steak en chops elk ook by en meng goed deur meel.
Sit hoender eers in Amasi en dan in Meel mengsel.
Braai in diep olie totdat hoender n mooi gour bruin kleur is. Plaas in n oond bak.
As al die hoender gebak is sit pan in oond en bak vir 1 uur.
GROENTE WAFEL
2 kop koekmeel
1/2 telepel sout
2 eetlepels Suiker
2 eiers
4 eetlepels olie
2 telepels bakpoeier
250ml gemengde gevriesde groente
1 middelsag ui opgekap
1 knoffel huisie fyn gekap.
+- 1 en 1/2 kop melk.
Braai groente en ui en knoffel in.bietjie olie tot sag en bietjie bruin.
Meng die res van die ander bestandele goed en voeg groente by. Maak wafels aan en bak in wagel pan.
Plaas hoender bo op wafel en maak n lekker sous van 3 kop melk en 1 pk mushroom sop en plaas bo op. Heerlik
Resep en foto: Ronel Muller Thoma
