ADAM SE SLAPDEEG SOUTTERT
Beslag:
4 eetlepels gewone meel
1 pakkie room van sampioensop poeier
2 ½ teelepels bakpoeier
2 ½ eetlepels botter
1 koppie melk
2 eiers
Vulsel
150 gram gekapte knoffel polony in stukkies gesny
250 gram gekapte sampioene
2 gekapte groterige paprika rissies
1 tamatie in skywe gesny
(Of net wat jy ookal daarin wil plaas)
Meng die meel, soppoeier, bakpoeier, botter, melk en eiers om ‘n slap beslag te vorm. Braai die sampioene liggies en hou eenkant. Giet ‘n dun lagie van die beslag in ‘n oondbak en tilt dit in die rondte sodat die beslag ook die kante van die bak smeer. Strooi die sampioene, rissies en polony oor die bodem en giet die res van die beslag bo-oor. Druk die vulsel effens weg van die kante van die bak dat die vulsel daar inloop. Pak die tamatieskywe bo-op en druk effens in die beslag in. Bak by 190ºC vir 20 tot 30 minute of tot die kors begin bros word en verbruin.
Resep geplaas deur Adam Cloete
Foto: Adam Cloete.
