JEANINE SE KOESISTERS MET AARTAPPELS
Lekker varsgebakte koeksister
750 g koekmeel
250 g bruismeel
3 eetlepels suiker
1 eetlepel gemmer
3 eetlepels anys
1 eetlepel fyn allspice
2 eetlepels fyn kaneel
2-3 med aartappels
1 eier
60 ml melk
1 pakkie gis (10 g)
Vir stroop
2 koppies water op 1 koppie suiker, dit hang af hoeveel stroop jy wil maak.
1 stokkie kaneel
Lemoen skil
Meng meel, gis en alle speserye en meng met louwarm water, knee soos gewoonlik. Kook aartappels en maak fyn, meng met melk en eier. Voeg die aartappelmengsel by die meelmengsel en meng. Deeg sal slap wees, maar maak netso toe en laat rus tot dubbel gerys.
Meng dan bietjie meel by tot hanteerbaar, vorm en bak in warm olie.
Wees baie versigtig want dit bak verskriklik vinnig so dit moet dopgehou word, jy kan nie eers jou rug draai nie.
Vat suiker en water en plaas in ‘n pot, voeg die kaneelstokkies en lemoen skil(optioneel)by en laat kook tot bietjie taai, doop koeksisters in stoop, haal uit en strooi klapper oor.
Dit is ‘n resep wat ek ‘n paar jaar gelede in ‘n kookboek gesien het, en ek het dit aangepas met speserye en dit my eie gemaak.
Resep en foto: Jeanine Philander Perrang
