MARMITE EN BILTONG TERTJIES
275 g meel (2 koppies)
15 ml bakpoeier (1 eetlepel)
2 ml sout (½ teelepel)
1/3 – 2/3 koppie verpoeierde biltong
200 g grof gerasperde cheddar (ek het Gorgonzola en cheddar gebruik)
280 g botter (1 ¼ koppie)
375 ml melk (1 ½ koppie)
2 eiers
10 ml Marmite / Bovril (2 teelepels)
Oond 180°C. Smeer 8 koppie pan of groot muffin pannetjies. Deeg is genoeg vir 1 ½ muffin panne.
Sif droë bestanddele saam.
Meng kaas in, vryf 1 koppie botter (230 g) in.
Meng melk en eiers saam en roer by droë mengsel.
Gooi panne se holtes ¾ vol.
Bak 20 – 30 min tot goud bruin en gaar.
Smelt orige botter en Marmite saam, gooi oor tertjies sodra dit uit oond kom.
Strooi verpoeierde biltong bo oor. Bedien lou warm.
Foto: Petro Borchard
Resep geplaas deur Petro Borchard
