KAAS-EN-MARMITE-MUFFINS
12 muffins
500 ml (2 koppies) koekmeel
20 ml (4 teelepels) bakpoeier
1 ml sout
knypie rooipeper
1 fyngekapte ui
500 ml (± 2 koppie) cheddarkaas, fyngerasper
10 ml (2 teelepels) vars pietersielie, gekap (of 1 teelepel gedroogde)
250 ml (1 koppie) volroommelk
60 ml (4 eetlepels) olie
2 ekstra groot eiers
Bolaag:
125 g (¼ blok) botter (½ koppie)
15 ml (3 eetlepels) Marmite (of meer as jy ‘n sterker smaak verkies)
WENK
1 teelepel (5 ml) mosterdpoeier, opsioneel
Stel oond op 180 °C.
Sif koekmeel, bakpoeier, sout en rooipeper saam.
Roer ui, kaas en pietersielie by gesifte meelmengel tot goed gemeng.
Klits melk, olie en eiers saam tot goed gemeng.
Roer eiermengsel by meelmengsel tot deeg vorm – moenie te veel roer nie.
Verdeel deeg tussen 12 muffinholtes wat met muffinpapiertjies uitgevoer is of goed met kossproei gespuit is.
Bak vir 15 – 20 minute of tot gaar in middel wanneer jy dit met toetspen steek.
Bolaag:
Smelt botter en Marmite saam in mikrogolf.
Steek gaatjies in muffins sodra dit uit oond kom en giet warm botter en- Marmite-mengsel bo-oor sodat dit dadelik intrek.
Sit louwarm saam met botter en kaas of heuning/stroop voor.
FOTO: Petra Nel
