OUTYDSE SUURLEMOEN-EN-SUURLEMOENSKILSTROOP
SuurlemoenSKILstroop:
Was 20 suurlemoene deeglik (grof of gladde skil).
Skil dun met groenteskiller (geen wit).
Meng 1 kg suiker*, 1 liter water en 30 ml sitroen- (citric acid) of wynsteensuur (tartaric acid) saam en bring tot kookpunt. Giet oor suurlemoenskille en laat staan vir 2 dae.
Roer deur, skep skille uit en bottel die stroop.
Verdun met water +-1:10.
Ook heerlik met sodawater!
🍋Suurlemoenstroop: (outydse lemonade)
20 suurlemoene uitgedruk (+-750ml)
Voeg 1:1 suiker* by.
Maw. meng 3 koppies suurlemoensap met 3 koppies suiker. Bring tot kookpunt.
Laat afkoel en bottel.
Verdun met water +-1:10
Ook heerlik met sodawater!
*meer suiker kan gebruik word. 1:1 is die minimum.
[Ek meng die 2 strope met mekaar. Die skilstroop gee ‘n lekker ‘tangy’ smaak aan die suur van die suurlemoenstroop.]
BRON: Janie du Plessis
Lorett Brittnell
Ek rasper en druk massas suurlemoene se skil en sap en vries die sap en skil in 2 liter koekdrankbottels.
5 kg suiker opgelos in 3 liter kookwater en 15 ml elk sitroen, wynsteensuur en engelse sout plus 1 x 2 liter suurlemoensap.
Laat staan oornag en giet deur ‘n fyn sif.
Dit maak omtrent 5 liter aangemaakte stroop.
Dit vries ook goed en elke keer haal jy maar net ‘n 2 liter stroop uit en gebruik. Ek verpak in wynbottels met ‘n label en raffia om die nek vir geskenke
