MASALA-VISKOEKIES MET SUURLEMOEN MAYONNAISE
Resep geplaas deur Petro van Genderen
Foto: Petro van Genderen
FOOD LOVERS RECIPES
500 g gaar stokvis , fyn gevlok
1 geskilde, gaar aartappel, fyn gedruk
45 ml fyngekapte koljanderblare of pietersiellie
Sap en fyngerasperde skil van 1 klein suurlemoen
Sout en swart peper na smaak
1 ui, gerasper
5-10 ml seekosmasala (ek het gevra vir seekosmasala, maar kon net die fish masala kry )
15 ml botter
2 eiergele
250 ml broodkrummels (het Panko breadcrumbs gebruik )
Ongeveer 90 ml room
SUURLEMOEN MAYONNAISE
100 ml mayonnaise
100 ml dik, natuurlike jogurt
Sap en skil van 1 klein suurlemoen
Sout en swart peper
10 ml kappertjiesaad grof gekap
Knippie suiker
Meng die vis, aartappel, kruie en suurlemoensap en skil saa. geur met sout en peper en hou eenkant. Braai die ui en masala oor lae hitte in die botter tot die ui gaar is. Laat effens afkoel en roer die eiergele, broodkrummels en room by. Laat staan vir 5 minute en voeg by die vismengsel. Meng goed. Verkoel die mengsel vir 1 uur. Vorm die viskoekies en braai in ‘n bietjie olie oor matige hitte tot goudbruin en bros aan albei kante en deurwarm.
Vir die mayonnaise : Meng alles saam, bedek en verkoel vir 20 minute voor jy dit voorsi. Moet sê dit het baie lekker uitgekom !!!
