LESLEY-ANN SE CIABATTA
Ek gebruik eerstens Eureka brood meel om te begin. Daar is geen bleikmiddels daarin.
Begin met:
500 g Eureka broodmeel
500 g louwarm water
½ pakkie gis – pers pakkie
Meng goed en sit in bak met deksel op en laat dit 3 keer sy groote rys.
Dan kom die volgende by:
500 g broodmeel
300 g louwarm water
15 g gis
20 g sout
Meng alles saam en sit weer in bak om te rys vir ten minste 12 ure.
As dit daar klaar is, gooi dit op ‘n blad uit en begin dit rek en vou.
Ons doen dit 3 keer 30 minute uit mekaar.
Na laaste rys, vorm die slippers en laat dit ten minste 30 min rys.
Bak in oond op 240 ºC vir eerste 5 minute en dan 180 ºC vir 30 min. Sit bakkie met water onder in oond om stoom te maak.
Resep maak 2 brode.
NOTA: Onthou om gesifte meel te gebruik en gooi goed meel waneer jy dit uitgooi op blad. Dit is ‘n slap deeg waarmee mens werk.
Foto en resep: Lesley-Ann Faber
