INGELEGDE AARTAPPELSLAAI MET MOSTERD
4 kg aartappels
2 x 750 g “tangy” Mayonnaise
2 blikke kondensmelk
3 groot uie, gekap
paar knoffel sprietui, opgesny (opsioneel)
sout en peper
2 eetlelpels Dijon mosterd
½ koppie wit asyn
Skill aartappels en sny in blokkies.
Kook tot sag, maar nie pap.
Dreineer.
Sous:
Braai uie in bietjie olie tot deurskynend.
Voeg asyn by tot kookpunt.
Voeg res van bestanddele by en verhit goed.
Voeg sout en peper by na smaak.
Sit aartappels by die warm Mayonnaise-mengsel en prut net deur,
Giet in warm gesteriliseerde flesse en verseël dadelik.
Nota: Ek het hierdie slaai gemaak! en dit is lekker!!
Ek het die resepie halveer en het toe 3 en ‘n halwe bottels uitgekry!
Foto: Benhet Nieuwenhuis
