ELIZE SE LIPLEKKER LEWERKOEKIES
500 g bees/lams lewer, skoon gemaak
1 medium ui, geskil
2½ ml bakpoeier
4 snye brood
5 ml Worshestershire sous
10 ml wit wynasyn
1 eier
30 ml vars pietersielie
2.5 ml fyn koljander
1 ml fyn naeltjies
1 ml neutmuskaat (nutmeg)
2½ ml braaivleisspeserye
125 g skouer spek
swartpeper na smaak
sonneblomolie vir braai
Maal lewer, ui, pietersielie en brood saam met die spek in ‘n vleismeul met ‘n growwe sif (5mm sif).
Kilts die eier, Worshestershire sous, asyn, bakpoeier en speserye. Meng die 2 mengsels saam en sit in die yskas vir tenminste ‘n half uur.
Verhit die olie in ‘n pan tesame met eierringvormpies. Skep mengsel in vormpies (maak ringetjies mooi vol om ‘n ‘pattie’ te maak) en braai vir 3 minute aan ‘n kant.
Wanneer gaar, sit die patties op kombuispapier om te dreineer. GENIET!
Resep en foto: Elize de Kock
Ek het Elize se resep vir ‘n basis gebruik, maar het net nie die lewer fyngemaal nie maar in klein blokkies gesny en agterna bygevoeg by die gemaaldes net omrede ek my koekies ‘n bietjie growwer tekstuur gee. Dit was heerlik! Oja dan het ek ipv eierringe te gebruik het ek met my hand die koekies gevorm en effens platgedruk in die pan. Dankie Elize vir die resep.
Ons het dit geniet saam met smash en gekookte patat en outydse tamatie slaai hmmmmmmmmmmm nou is my bol lekker styf gepomp.
Kommentaar en Foto: Gideon Louw
geskuif met nuwe foto