GEBAKTE KAASKOEK MET GEMENGDE BESSIES
Resep en foto:Marida Olivier
FOOD LOVERS RECIPES
Kors:
200 g digestive beskuitjies fyngemaal en met gesmelte botter gemeng. Druk met agterkant van houtlepel vas op die boom van ‘n veerklamp pan.
Beslag:
750 g roomkaas
250 ml strooisuiker
250 ml room
4 eiers
40 ml suurlemoensap
125 ml koekmeel
Voorverhit oond tot 180ºC. Spuit losboompan met spray n cook.
Klits roomkaas en suiker saam.
Voeg room stadig by en meng goed.
Meng eiers en sap saam.
Vou eiermengsel by maaskaas in en voeg meel by. Meng deur.
Skep mengsel in voorbereide pan en bak vir 10 min by 180ºC.
Verminder hitte na 140ºC en bak verder vir 50 min. Skakel oond af.
Laat afkoel in die oond.
Meng vars bessies in seisoen met 50 ml water. Kook stadig. Voeg bietjie strooisuiker en 10 ml gelatien by. Laat afkoel en giet oor kaaskoek.
Geniet
