KERRIE PIESANG FRIKKADELLE
3 snye wit brood
125 ml melk
1 kg gemaalde beesvleis
10 ml sout
15 ml gerasperde neutmuskaat
5 ml gemaalde koljander
1 ml fyn kruienaeltjies
SOUS:
3 middelslag uie grof gekap
30 ml botter of margarien
15 ml matige kerriepoeier
30 ml koekmeelblom
10 piesangs geskil
250 ml koue water
125 ml asyn
30 ml appelkooskonfyt
15 ml suiker
Week brood in melk en maak fyn. Voeg by maalvleis saam met sout, neutmuskaat,koljander en naeltjies. Meng goed met ‘n vur, vorm groterige frikkadelle en plaas in groot gesmeerde bakskottel.
Braai uie in botter tot goudbruin. Voe kerriepoeier by en braai nog drie min. Haal van stoof af en roer meel by. Versap of druk 6 van die piesangs fyn. Voeg piesangmoes en res van bestanddele by uiemengsel en meng goed. Sny oorblywende piesangs in skywe en rangskik tussen en bo-op frikkadelle. Skep sous oor. Sit deksel op of bedek met foelie. Bak 1 en half uur by 180 g tot sag en gaar. Lewer 6 tot agt groot porsies.
(Ek maak soms net die helfde en as ek die 1kg een maak gebruik ek minder piesangs en gebruik dan 20 ml kerrie)
Foto: Martie Fourie Moolman
