HAWAIIAN HOENDER
Weereens is dit vir klein hoeveelheid en moet maar aangepas word vir meer. Dit kom ook uit my argiewe uit, soos die foto, en ek is nie seker waar ek dit gekry het nie. Dit kon Carriers Kitchen, of so iets gewees het.
6 hoenderboudjies en dytjies (3 van elk)
sout en peper na smaak
375 g geblikte pynappelstukke met sous
4 eetlepels olyfolie
4 eetlepels heuning
2 eetlepels ligte soyasous
½ teelepel gemmerpoeier
‘n goeie knippie rooipeper
4 eetlepels suurlemoensap
‘n klompie repe gekleurde soetrissies.
Geur hoender goed met sout en peper. Dreineer pynappelstukke, hou ‘n paar stukkies heel en maak res fyn saam met bietjie van hule eie sous in ‘n voedselverwerker. Meng pynappelpasta, olyfolie, suurlemoensap, heuning, soyasous, gemmer en rooipeper in ‘n mengbak. Klits die mengsel tot dit ‘n melkerige tekstuur kry. Plaas hoenderstukke in een laag in oondskottel, rangskik soetrissierepe tussen in, giet pynappelmengsel daaroor en bedek. Bak in oond by 180ºC vir ongeveer 1 uur of tot sag en draai hoenderstukke een keer om tydens bakproses. Voeg nou heel stukkies pynappel by en rooster onbedek vir ongeveer 10 minute of tot dit verbruin het. Bedruip gereeld met pynappelmengsel.
Resep geplaas deur: ADAM CLOETE
