KOESKOESSLAAI MET DUKKA
500 g koeskoes
50 g botter
250 ml kookwater
250 ml warm hoender-aftreksel
100 g bosbessies (cranberries)
100 g sultanas
100 g makadamia-neute
50 g dennepitte
150 ml koljander en pietersielie, gekap
200 ml sprietuie, gekap
100 ml vars boerbone (broad beans)
120 ml suurlemoensap
100 ml olyfolie
30 ml suurlemoenskil, gerasper
5 ml lemoenskil, gerasper
60 ml dukka
Sit die koeskoes en botter in ’n groot mengbak.
Gooi die kookwater en hoender-aftreksel oor.
Laat staan vir 5 minute.
Roer die koeskoes met ’n vurk totdat dit lekker los is.
Voeg die res van die bestanddele by en meng goed.
