WENRESEPTE 1 SE KOEKSISTERS
FOTO: Tanya Smith
Stroop:
1,75 kg suiker
1 liter water
20 ml gouestroop
2 ml kremetart
1 ml wynsteensuur
knypie sout
Verhit suiker, water en stroop tot kookpunt en roer, sodat suiker smelt voor stroop kookpunt bereik.
Kook stroop 8 min, haal van stoof af, roer kremetart, wynsteensuus en sout by en laat afkoel.
Plaas in koelkas.
Deeg:
550 g koekmeel
20 ml bakpoeier
5 ml sout
50 g botter
375 ml melk
1 eier
Sif meel, bakpoeier en sout saam. Vryf botter in droë bestanddele tot goed gemeng.
Klits melk en eier saam, voeg by meelmengsel en maak aan tot ‘n sagte rolbare deel.
Bedek en laat oornag in koelkas.
Volgende dag, rol uit, sny en vleg.
Bak in warm kookolie tot goudbruin.
Doop vinnig in koue stroop.
Lewer ongeveer 5 – 6 dosyn.
