HOENDER, SPEK EN ROOI UIE TERT
Hierdie tert is soos Oubaas van 7de Laan sal sê: “Uit die boonste gestoeltes”.
4-5 hoender borsies in blokkies gesny
1 pakkie “diced bacon”
1 rooi ui (gekap)
5 ml paprika
sout en peper na smaak
1 eetlepel uie marmelade (optioneel)
3 eiers
250 ml room
1 koppies gerasperde kaas
1 rolletjie “puff pastry”
Rol deeg uit en plaas in tertbak van ± 20cm deursnee. Plaas in yskas tot benodig.
Braai uie, hoender en spek tot bruin. Geur met paprika, sout en peper. (Hier het ek ‘n eetlepel van Woolies se Onion Marmalade bygegooi)
Meng eiers en melk goed.
Skep hoender- en spekmengsel in tertbak op kors.
Gooi eier- en melkmengsel bo-oor. Strooi kaas oor en bak vir 20min @ 200°C.
(Die oorspronklike resep kry ‘n prei ook in en hulle gebruik cammembert ipv die cheddar wat ek gebruik het.)
Ek het dit bedien met gemengde groente wat ek sommer in die pan gebraai het.
Foto:Marelize Kotze
