MUESLI KARRINGMELK BESLUIT
1,5 kg bruismeel
10 ml bakpoeier
5 ml sout
500 ml suiker
300 g muesli met neute en rosyne
375 g margarien by kamertemperatuur
2 eiers
500 ml karringmelk
300 ml kookolie
Voorverhit oond 180 ºC smeer een groot oondpan.
Sif bruismeel, bakpoeier en sout saam. Voeg suiker en muesli by en meng. Vryf margarien in met vingerpunte tot heeltemal gemeng.
Klits eiers, karringmelk en olie saam roer hierdie mengsel by droë bestanddele met houtlepel tot gemeng. Knie dit effens tot ‘n deeg. Plaas deeg in oondpan en druk plat met spaan. Sny met n mes in 4-cm-vierkante. Bak beskuit vir 60 min by 180 ºC. Keer beskuit uit en laat effens afkoel, breek beskuite liggies los. Droog in koel oond uit.
Lewer 5 dosyn beskuite
Resep en foto: Elsa Van der Westhuizen
