HEATHER SE LEMON MERINGUE-TERT
Hier is die beloofde “Lemon Meringue ” resep . Dit het ‘n prys by Sarie Kos gewen
Deeg
1 1/2 kp meel
1/2 kp versiersuiker
¼ tot 1/2 kp room (almal se koppies verskil,jy weet!)
1 /3 kp botter
1 eiergeel
1/4 teel. sout
Sit 1 eetl suurlemoensap by eiergeel en room en klits liggies saam
Vryf botter by meel en sout in.
Voeg eiergeelmengsel in en bring bymekaar.
Laat rus vir halfuur in die yskas voor gebruik.
Rol uit en voer 15 cm deurnee pannetjie daarmee uit.
Bak blind vir 15 minute
Laat afkoel
Vulsel
2 eiergele
2 blikkies kondensmelk
skil van 1 suurlemoen
3/4 koppie suurlemoensap
Roer eiergele stadig by kondensmelk in (die geheim is om nie te klits nie)
Rasper die skil van suurlemoen in asook suurlemoensap vou jy versigtig in tot dik is.
Skep op kors.
Meringue
4 eierwitte
1 kp strooisuiker
1/4 teel sout
1/4 teel kremetart
1/4 teel bakpoeier
30 ml kokende water
Gooi strooisuiker direk op die eierwitte en ook die sout en kremetart.
Begin stadig klits en sit dan op hoog tot stywe punte vorm. voeg dan kokende water by en klits weer tot styf.
Vou bakpoeier in en skep bo op suurlemoenvulsel, bak vir 15 minute op 180 grade C en dan 3/4 uur op 100 grade C. Laat in oond om af te koel.
RESEP EN FOTO: Heather Strumpher
