GESTOLDE WORTELSLAAI
Gebruik yskoue koue ideal melk ipv room.
1 medium blik crushed pynappelstukke
4 koppies gerasperde wortels
1 pakkie pynappeljellie
3 teelepels gelatien, aangemaak met 2 eetlepels lou water
½ teelepel sout
¼ koppie suiker
2 teelepels suurlemoensap
1 blik Nestle room
Dreineer sap van pynappelstukke af – 1 koppie.
Voeg 2 koppies water by 1 koppie pynappelsap en kook.
Haal van stoof en laat afkoel. Voeg jellie, suurlemoensap, sout gelatien en suiker by.
Laat afkoel tot dikte van wit van eier. Rasper 4 koppies wortels by.
Voeg fyn pynappelstukkies by afgekoelde jelliemengsel.
Voeg geklopte room by. Skep in vorm en laat stol.
ADELE
Foto 1: Rina Kleinhans – ek het dit saam met gesnyde spanspek bedien.
Foto 2: Carola De Jager –
Ek het Wortels gerasper Room en suurlemoensap gemeng en die gelatien met kookwater aangemaak soos hulle op die pakkie sê en laat afkoel voor dit by die room mengsel bygegooi word. Kap die dille en voeg by en geur dit dan met sout en pepper na smaak. Sit suiker in as dit te suur is vir julle. Meng dan alles saam en sit dit dan in ‘n bak gespuit met cook en spry en sit dan in yskas tot dat dit gestol is.
Ek het geen pynappelstukke in gehad nie en ook nie pynappeljellie nie, dit was gelatien gewees en ek het sommer vars room gehad en ook dille.
