BROSDEEG VIR MELKTERTE
375 ml (1 ½ koppie) koekmeel
2 ml sout
125 g botter in blokkies
90 – 100 ml yswater
Plaas meel en sout in voedselverwerker en voeg botter by. Verwerk tot lyk soos broodkrummels. Voeg net genoeg yswater by en verwerk tot deeg begin bind. Keer op meelbestrooide oppervlak en vorm liggies in ‘n bal. Bedek met kleefplastiek en verkoel vir 1 uur. Haal uit yskas en laat ‘n tydjie rus by kamertemperatuur en rol dan versigtig uit. Moenie deeg rek of oor die kante rol nie. Voer ‘n tertbak uit met die deeg. Verkoel weer tot baie koud voor tert gebak word. Prik die boom met ‘n vurk. Bak blind met waspapier en bone vir 15 tot 20 min tot gaar maar nie bruin.
Resep geplaas deur Marieta Janse van Rensburg
