LIETSJIEPONS
400 g lietsjies geskil en ontpit
300 g suiker (375 ml)
150 ml water
25 ml rooswater
1 kg gebreekte ys
100 ml vodka (opsioneel)
2 l limonade
Plaas die vrugte, suiker, water en rooswater in ‘n middelslag pot en bring tot kookpunt. Prut vir 5-8 min tot vloeistof met ‘n 1/3 verminder het. Verwyder van hitte en laat afkoel. Verwerk met staaf menger tot puree. Plaas ys en koue stroop in ‘n groot ponsbak. Voeg vodka by. Gooi limonade oor en meng liggies deur. Sit mooi voor.
Ek het sommer geblikte lietsjies gevat dit was net bietjie soet so verminder die suiker as jy dit ook doen. Dit was njuuuuum!!!!
Resep en foto: Liezel van der Merwe
