NICO SE KERRIE BLOMKOOLSOP
Lekker en vinnig om te maak vir onverwagse koue aande…
1 kop blomkool
3 groot aartappels in kwarte gesny
1 gekapte ui
2 teelepels fyn knoffel
5 stokke gekerfde seldery
1 teelepel sout
3 teelepels kerrie
1 teelepel borrie
½ teelepel rooipeper
3 lourierblare
1 pakkie wit uiesoppoeier
2 koppies melk
Braai uie liggies tot ligbruin in pot.
Vul pot met water sout en aartappels en kook vir 30 minute.
Maak die soppoeier aan en voeg met die blomkool en al die ander bestandele by en kook stadig vir 30 minute.
Haal lourierblare uit en stamp die sop fyn na keuse. Indien te slap verdik met eetlepel meel opgelos in bietjie water en roer vir nog 5 minute.
Proe vir sout en peper en verstel na smaak.
Kan bedien word met bietjie vars room of worcestersous bedrup na inskep.
Resep en foto deur Nico Conradie.
geskuif