DOPPIE RESEP MET SOET EN SOUT VULSELS
750 ml koekmeel
5 ml bakpoeier
3 ml sout
250 g botter
2 eiers
15 ml suiker
Sif droë bestanddele saam. Vryf botter in.
Klits eier en suiker tot skuim. Voeg by droë bestanddele.
Meng goed tot stywe deeg.
Rol uit – nie te dun.
Druk met koekievorm ‘n ronde sirkeltjie uit.
Gebruik kolwyntjie pannetjies, en druk degie in pannetjie. Jy hoef nie jou pannetjies te smeer nie
Bak 8-10 min by 190ºC.
SOUT VULSELS.
Salm vulsel:
1 blikkie pienk salm
2 eetlepel sandwichspread
2 eetlepel mayonnaise
sout en peper
Meng alles en skep in doppies
Komkommer vulsel:
1 gerasperde komkommer (gedreineer)
1 fyn gedrukte gekookte eier
1 eetlepel mayonnaise
sout en peper
Meng alles goed en skep in doppies.
Polonie vulsel:
1 koppies fyn gerasperde polonie
1 fyngedrukte gekookte eier
1 eetlepel mayonnaise
sout en peper
Maasksaas/ham vulsel:
125 g ham (fyn gerasper)
100 ml mayonnaise
1 houertjie maaskaas
30 ml pietersielie gekap
30 ml agurkies gekap
30ml ui gekap
sout en rooipeper
Meng alles goed skep in doppies en gooi paprika bo-oor.
Hoender/ham vulsel:
1 pakkie room sampioensop poeier
50 ml koekmeel
50 ml melkpoeier
750 ml water
100 g ham gekap
30 ml agurkies gekap
sout en rooipeper
Meng droë bestanddele in ‘n pot voeg water by en kook tot dik en gladde mengsel.
Laat prut vir so 5 minute – Voeg ham en agurkies by meng en laat afkoel.
Voeg sout en peper by en skep in doppies.
VULSELS SOET:
Cremora vulsel:
1 koppie cremora
¼ koppie kookwater
Meng bogenoemde
Voeg by ½ blikkie kondensmelk en ¼ koppie suurlemoensap
Meng goed deur en gbruik as vulsel.
Lemon curd:
2 eetlepel botter
1 koppie suiker
2 eiers
2 suurlemoene – skil gerasper en sap uitgedruk
Smelt suiker en botter, voeg suiker en suurlemoensap en skil by
Klits eiers en GOOI WARM MENGSEL geleidelik by die eiers terwyl jy roer.
Laat prut en roer die heeltyd tot dik. Koel af en sit in doppies.
Dadel vulsel:
1 blik kondensmelk
250 g dadels (fyn gesnipper)
400 ml klapper
Meng alles goed en skep in doppies.
Karamel Kondensmelk vulsel:
1 blikkie caramel treat
Peppermint sjokolade (gerasper)
Styfgeklopte room
Gesnipperde kersie
Skep ½ teelepel sjokolade onder in doppie, dan karamel, dan geklopte room en kersie bo-op
Melktert vulsel:
3 eetlepels koekmeel
4 koppies melk
½ koppie suiker
1 teelepel vanilla geursel
3 eetlepel maizena
4 eiers
1 eetlepel botter en knippie sout
Meng maizena en meel met bietjie van die melk.
Klits eiergele goed en klits die suiker by, voeg vanilla en sout by.
Verhit melk tot kookpunt en roer meelmengsel by. Kook tot gaar.
Roer nou die eiermengsel in en laat stadig opkook. Haal af van hitte en roer botter in.
Klits eierwitte tot styf en vou in. Skep in doppies en strooi kaneelsuiker bo-oor
Pynappel vulsel:
1 pynappel (gerasper)
1 teelepel botter
2 eiers
½ koppie suiker
½ koppie water
4 teelepels vlapoeier
Kook pynappel, water en suiker tot gaar. Klits eiergele en roer vlapoeier by – voeg by pynappel – Kook tot gaar. Haal van stoof af. Klits eierwitte tot styf en vou in by mengsel. Moenie mengsel weer kook nie, skep direk in doppies.
