ERTJIE SOP MET GEROOKTE VARKSKENKELS
60 ml olyfolie
2 groot uie gekap
5 seldery stingels gekap
3 wortels grof gerasper
1-2 aartappels, grof gerasper
2 knoffelhuisies gekneus
500 g gerookte varkskenkels OF gerookte varknek
500 ml droe ertjies, afgespoel en geweek
3 Liter aftreksel
15 ml gemengde droe kruie
2 lourierblare
Sout en vars gemaalde swart peper
Vars suurlemoensap
Verhit die olyfolie in ‘n groot pot en braai die uie en seldery oor matige hitte tot sag. Voeg die oorblywende bestanddele by, behalwe die sout, peper en suurlemoensap. Bring tot kookpunt, plaas deksel op en laat prut vir 3-4 ure tot ertjies en vleis sag is. Haal vleisbene uit, sny vleis af en vlok. Skep terug en geur met sout, peper en suurlemoensap na smaak
Resep geplaas deur Rina Kleinhans – Bron onbekend
