LIPLEKKER APPELMUFFINS
Porsies: 16 muffins
190 g/375 ml koekmeel
100g/125ml suiker
15 ml bakpoeier
2 ml sout
1 eier, geklits
100 ml melk
5 ml vanieljegeursel
100 ml sonneblomolie
250 ml groen appel, gerasper
Bolaag
100 g/125 ml bruinsuiker
70 g/125 ml koekmeel
5 ml fyn kaneel
115g/125ml botter of margarine
100 g pekanneute, gekap
Voorverhit die oond tot 180 °C en smeer twee kolwyntjiepanne goed met botter of margarien.
Sif die koekmeel, suiker, bakpoeier en sout saam.
Voeg die res van die bestanddele vir die beslag by en meng goed.
Skep lepelsvol van die beslag in die kolwyntjiepanne.
Meng die bruinsuiker, koekmeel en kaneel vir die bolaag saam en vryf die botter of margarien met die vingerpunte in tot krummelrig.
Voeg die pekanneute by en strooi van die bolaag op elke muffin.
Bak die muffins ongeveer 25 minute tot ligbruin.
Sit louwarm voor met botter of margarien.-
Resep geplaas deur: Molly-Ann Underwood Schmidt
