INMAAK VAN PEPPEDEWS
STROOP:
1 ½ koppies asyn
1 ¼ koppies suiker
1 koppie water
paar gesnyde stukke vars gemmer
paar knoffelhuisies
2 teelepels peperkorrels
1 bay leaf of ‘n suurlemoen blaar
knippie sout
2 groen chilli’s
Sny stingels af en haal die pitte mooi uit.
Laat in ‘n oplossing van 4 teelpels sout op 2 koppies water lê oornag of ‘n paar ure.
Spoel môre baie goed af en maak droog.
Kook die stroop vir so 5 minute en gooi dan die peppedews by en kook weer 5 min.
Nie pap nie, nog styf.
Pak dan lekker styf in die bottels en gooi die stroop bo-oor.
Pak bo-op ‘n knoffel stukkie en ‘n gemmer stukkie net soos jy wil en verseël die bottels baie goed.
Laat dit vir so 2 – 3 weke staan of langer voor gebruik.
Baie lekker hoe langer dit staan, van myne staan al 3 jaar!
NS: skud die bottel sodat die sous in die gaatjies kan inloop voor jy dit verseël en gooi dan nog sous by as dit kort.
