MARIE SE BLESBOK WILDSPASTEI
Ek het al die afval bene gebruik wat nog vleis aan gehad het. Ons wou nie die vleisies mors nie.
Ek het die bene in my stoompot gekook saam met 1 eetlepel ground cumin spice en 1 eetlepel chicken spice en 6-7 heel wortels saam met die bene tot die vleis van die bene afval. Skep bene in ‘n bak en laat effens afkoel sodat jy die al die vleisies kan afkry.
Intussen stoom in die vleis aftreksel waar bene in was, die groente tot sag:
5 gekapte uie
1 butternut, opgekap in stukkies
6-7 aartappels, blokkies gesny
swartpeper
1 eetlepel ground cumin
1 eetlepel paprika
sout, na smaak
7 huisies knoffel, fyn gekap
Maak aan in ‘n beker:
6 eetlepels tamatie pasta
3 eetlepels Worcestersous
4 eetlepels chutney
2 eetlepels appelkooskonfyt

Sodra groente sag is meng die vleis saam met die groente mengsel in asook die beker mengsel en kook vir 10 minute deur. As die sous nog te veel is, meng deur met bietjie soppoeier (Ek het tamatie sop, mushroom en bruin uie gemeng). Kook deur. Vleis mengsel moet nie te pap wees nie.
Ek het sommer Today Pastry deeg gebruik vir die pasteie. Uitgerol en onder in bak gesit en my mengsel bo-op en toe laag deeg bo-oor. In oond 180ºC gebak tot deeg gaar is.
Die vleis wat oorgebly het in bakkies gevries.
Bron en foto: Marié Fourie

GESTOOFDE WILDSVLEIS VIR PASTEIE
2-3 kg wildsvleis met bene aan*
3 groot uie
vars gekneusde knoffel
sout en peper na smaak
1 liter kookwater
2 koppies goeie rooiwyn (as jy dit nie sal drink nie moenie met dit kook nie)
Arabiese kruie en spesery mengsel
fyn koljander
fyn naeltjies
Braai die vleis stukke in ‘n groot swart platboompot tot mooi verbruin (jy gaan dit in sarsies moet doen as dit baie vleis is).
Skep die gebraaidevleis in die stoompot en hou eenkant.
Giet kookwater in die swartboompot en skraap al die bruin stukkies van die bodem af.
Giet die water alles oor die vleis in die stoompot.
Voeg nou die kruie, speserye en res van die bestanddele na smaak by.
Stoom vleismengsel vir ten minste ‘n 1.5 uur of tot die vleis van die bene afval.
As die vloeistof baie lyk laat dit afkook sonder die deksel tot dit heelwat minder is, want jy wil nie te veel sous hê, maar ook nie dit weggooi nie, want al die geur is daarin.
Ek het my stoompot op die gas hob laat kook vir ten minste nog 25 min om die sous die regte dikte te kry.
Plaas al die vleis en sous in ‘n groot plat bak sodat jy al die beentjies en senings kan uithaal.
Onthou om die murg uit die bene te druk (ek vind ‘n “chopstick” werk baie goed vir dit).
Indien daar nog groterige stukkies vleis is, sny dit kleiner. Laat die fynvleismengsel afkoel tot yskoud.
Maak intussen jou deeg en laat dit ook afkoel as jy gaan pasteie maak.
Hierdie fynvleis kan saam met pasta bedien word of kan gevries word vir later gebruik, alhoewel ek nie enige kruie of speserye byvoeg wanneer ek vleis spesifiek regmaak vir die vrieskas.
Nota:
*Ek het vandag ‘n pakkie vark kookvleis bygevoeg omdat die wildsvleis geneig is om droog te wees. Jy kan ook streepspek byvoeg.
Gister se ekstra wildsvleis het vanaand pastei geword met ‘n slapdeeg bo-oor, bedien saam met lemoen wortels en boere groenboontjies. Ek het die slapdeegresep gebruik op die skakel.
Skakel na die slapdeeg resep:  http://www.foodloversrecipes.com/2015/02/elsabie-se-slap-degie-tert/
Resep en foto: Elsabie Templeton

ELSABIE SE WILDSPASTEITJIES MET SPINASIE KAPOKAARTAPPELS
Resepte en foto”s:  Elsabie Templeton
FOOD LOVERS RECIPES
Wildsvleis pasteitjies op my manier gemaak met warm Arabiese kruie mengsel, rooiwyn en ‘n lekker groot skep van my tuisgemaakte rooiuie marmelade met pienk peperkorrels. Bedien langs ryk en romige aartappels met spinasie blare. Ek dink dit sal op enige gastro pub se menu pas……… selfs my deeg is tuisgemaak.
Kookwater-pastei deeg (uit Snowflake boek)
Bros deeg wat perfek werk vir die onderkant van pasteitjies omdat dit ordentlik deur bak sonder om taai te wees. Ek vind dit die beste deeg vir wildspasteitjies wat ek sommer in my medium grootte muffin panne maak.
125 ml kookwater
125 g botter of margarine (ek gebruik botter dit smaak ook lekkerder)
500 ml (280 g) bruismeel (of koekmeel + 2t bakpoeier)
2 ml sout

Smelt die botter of margarine in die kookwater. Sif die meel, bakpoeier en sout saam en meng die kookwater mengsel by tot ‘n sagte deeg vorm. Ek gebruik my deeghak in my menger.
Gooi in ‘n plastiek sakkie en sit in die yskas vir ten minste ‘n uur of tot yskoud. {*op hiedie stadium kan jy dit ook vries vir latere gebruik}.
Op ‘n meelbestrooide oppervlak, druk die deeg plat en rol uit tot 3mm dik. Sny vorms soos verlang, voer pannetjies of oondbak uit met die deeg. Sny dekseltjies vir die bo-kante, maak ‘n gaatjie in sodat die stoom kan ontsnap. Sit die koue vleis vulsel in en maak toe met die dekseltjie. Smeer die kante nat met bietjie water op jou vinger, knyp die deeg toe en verf met geklitste eier of melk met bietjie suiker in.
OF
Maak dit soos ‘n wasgoedbondeltjie met die koue vleis vulsel binnekant en bak in gesmeerde muffin pannetjies soos onder.
Bak by voorverhitte oond by 200C vir vanaf 20min tot 40min afhangende van hoe groot die pasteie is. Hulle moet mooi goudbruin bo-op wees.
Resep vir die vulsels:
http://www.foodloversrecipes.com/2017/05/gestoofde-wildsvleis-vir-pasteie/
****
Rooiuie en pienk peperkorrel marmalade {ET}
1 kg rooi uie, in helfte gesny en dan in halwe ringetjies
200 g marmelade (ek het ‘n bottel lemoen & rooibostee marmelade in die yskas gehad)
300 ml rooiwyn (as dit nie goed genoeg is om te drink nie is dit nie goed genoeg vir die kos nie)
100ml rooiwyn asyn (ek het net druiwe asyn gehad en dit werk)
3 teelepels heel korrel mosterd (of net die korreltjies soos ek gebruik)
30 ml bruinsuiker
½ koppie sultanas of bosbessies (cranberries), opsioneel
25 ml olyf olie vir braai.
Jy kan enigiets soos lekker groot knippie gedroogde rissie vlokkies (of vars) peperkorrels ens bysit na smaak.

Braai die uie in die olyf olie tot deurskynend, voeg die sultanas, cranberries, peperkorrels, suiker, rissies, mosterd by en prut stadig totdat die suiker opgelos het (so 10min). Voeg die wyn- en asynmengsel by en prut totdat die uie sag en die sultanas/cranberries uitgeswel is. Skep alles uit met ‘n gaatjie lepel en los die vloeistof in die pot. Voeg die marmelade by en prut totdat die sous lekker dik is. Laat afkoel en skep die rooi uie mengsel terug in die pot. Meng goed en skep in gesteriliseerde glas bottels en seël.
Plaas in die yskas en probeer om nie oop te maak vir ten minste ‘n week sodat die geure en smake goed kan kombineer.
Heerlik saam met rooi vleis en veral op toebroodjies met pastrami en ham, lekker skerp kaas en roket. Genoeg vir so 2 x ½ liter botteltjies.

Fluffy sexy mash:
So vernoem deur my vriende en familie omdat die hoeveelheid room en botter die sexy kurwes in plek hou! Gebruik ‘n melerige aartappel soos Valor, Sifra of Up-to-date, kook in so min as moontlik water tot gaar. Hierdie variteit sal begin uitmekaar breek as dit gaar is en dis reg so. Kook heeltemal droog en sit vars room en genoeg botter by om dit lekker klam te maak en sout na smaak, druk fyn. Jy kan selfs ‘n balon whisk gebruik om dit op te klop tot dit fluffy is. ‘n Knippie neutmuskaat ook lekker. As jy dit saam met vark bedien sit ‘n groot teelepel korrelmosterd by en as jy dit met vis bedien is, ‘n bietjie wasabi heerlik daarby.
Met ‘n hoender gereg roer ek bietjie horseradish in. Vir die vark tjoppies, braai in pan in min olie tot net gaar. Vir ‘n bykos maak ek gekarameliseerde uie deur uie te braai en bietjie bruinsuiker by te gooi. Roer braai tot dit begin verbruin en taai word. Voeg ‘n blikkie tertappels by en braai tot dit warm is. Bedien op die vark tjops. Geniet!
By die mash op die foto het ek eenvoudig die baba spinasie blare vinnig gaargemaak en toe by die klaargemaakte mash ingevou.

Weereens perfekte deeg vir pasteitjies. Dis die kookwater degie in die resep. Hierdie deeg was van groot hoeveelheid wat ek aangemaak en in sakkies gevries het vir latere gebruik.

MARINADE VIR WILDSVLEIS STUKKE
Resep:  Elsabie Templeton
FOOD LOVERS RECIPES
Hierdie marinade werk perfek vir wildsvleis. Ek het dit al menige kere gebruik vir enige wildstuk met groot sukses.
2 koppies Passata tamatie pasta sous – enige tamatie basis pasta sous sal werk solank dit ‘n dik sous is (jy koop dit in ‘n glasbottel, geen geurmiddels bygevoeg net tamaties wat dik gekook en versap is)
1 koppie rooiwyn
1 koppie Steers Burger Relish (dit was in die yskas toe gebruik ek dit maar!)
½ koppie olyf olie
1 groot gekapte ui
4 huisies knoffel fyn gedruk
1 eetlepel roosmaryn – droog

Meng die sous bestanddele saam en giet oor die vleis in ‘n oondskottel.
Maak goed toe met foelie of sit deksel op en bak by 160ºC vir so 4 ure.
Draai halfpad  die vleis om en skep weer die sous oor die vleis.
Ek het eers heel op die einde sout oor gegooi.
Hierdie resep het ek bymekaar gesit vir ‘n rooibok nek wat so ongelooflik sag was dat jy die vleis met ‘n vurk van die bene kon afkrap, maar dit sal vir enige wildsvleis werk en ek glo jy kan met sukses die vleis oornag in dit marineer in die yskas ook.

CRAIG’S BLESBOK AND MINT PIE

Cooked blesbok in slow cooker with onions garlic and black pepper for about 12 hours , very fine. Then I added freshly ground black pepper . Put into a pot added about 2 cups fresh mint chopped and and I used some mint jelly slowly boiled in apricot jam 2 t spoons a bit of brown onion soup for a gravy .put into Pyrex dish and used puff pastry with egg wash.

Bake in oven until pastry is cooked. Oven at 180º

Source and Photo: Craig Snyman

KUDU WELLINGTON
Resep en foto’s:  Karin Klinck Pitout
FOOD LOVERS RECIPES
Wow! Mense! Dis eenvoudig en heerlik!
Ek sal 2 dinge verander: Gebruik eerder kudu-fillet en varkrepe of dunner varkvetrepe. Lekker kruie sal hom ook ophelder, maar nie nodig.
Resep:
Kudu-rump waarvan silverskin afgesny het toe begin bewerk het (so ongeveer 1 kg) ‘n week terug uitgehaal en net so in yskas laat ontdooi. (Gebrek aan tyd en ons het hom nie eens in karringmelk laat lê nie🙈)
Sny fillet middeldeur sodat dit toegevou/opgerol kan word.
Smeer 1 – 2 teelepel dijon mosterd aan binnekant.
Strooi mildelik met knoffel.
Sprinkel worchestersous oor.
Sprinkel Ina Paarman se Garlic and Blackpepper oor.
Smeer perskeblatjang oor (my Perskenaeltjieblatjang is n treffer – resep op blog). Vou toe of rol op.
Draai toe in varkspek. Nie te veel. steek vas met tandestokkies.
Rol sommer gekoopte blaardeeg dikkerig uit. Smeer met eiergeel. Sit vleis met oopkant na onder op deeg. Vou mooi toe en sit met toegevoude kant na onder in pan. Smeer met eiergeel. Maak kepies bo-in deeg.
Laat oond warm word teen 200ºC terwyl Wellington rus en deeg ‘set’.
Plaas in oond vir 20-25 min. Draai oond af na 180ºC vir 10-15 min.
Haal uit en laat rus vir 15 min. Ons gebruik ‘n ou gasoond.
Ps: Die wit wat julle op gesnyde foto sien is die varkvet en bietjie ryk na my sin, maar tog heerlik. As jy spek gerbuik sal ek aanraai dat dit lekker vet spek is.

RAAD VIR VLAKVARKBOUD

Jan Braai:
Baie dankie almal vir die antwoorde en raad. Ek is seker die persoon wat die vlakvark wil braai sal regkom as hy een van of al die raad hier volg! Nou soek ek net ‘n vlakvark om ook te braai.

Stephan Olivier: Al gehoor die boud word in karringmelk gemarineer.

Markku Fleischmann: Ek benader dit soos ‘n koedoe rugstring. Vlek hom oop en stop die kruie, knoffel, en gegeurde soute in hom. Laat rus van die vorige aand in ‘n diep kastrol van ligte bier.

Francois Baard: Vlakvark is baie droog marinate hom vir 2 dae spit hom en sny en druk garlic en baie bacon in die boud om hom nat te hou, maak ‘n gravy wat jy oor die vleis kan gooi nadat jy hom gesny het gooi obs saam die marinate.

André Venter:  Spuit in met 2 bottels knox creamy Italian slaaisous wat met bietjie asyn gemeng is om te verdun en met so 1 eetlepel sout gemeng is!! Sit in foil en sit vir so uur of tot gaar in weber!! Jy sal jou lippe afkou.

Helena Hester Maria Louwrens: Jan, sover my kennis strek en soos ons dit doen, as jy die braaier aan het, en klaar gestop en gekruie het, is baie stadig. Tot half gaar, draai dan foelie om vir ‘n paar minute om hom souserig te hou. As hy sag en gaar is, haal foelie af, ek smeer dan my mengsel om, en laat hom vinnig braai vir daai lekker harde kors. As jy die bestanddele wil hê sal ek antwoord.

Kobus Vermaak: Rook eers die boud vir 3 tot 4 ure. Die boud moet dan in ‘n spit verder gebraai word.

Elbrecht Oswald: Ek sal nie aanraai om ‘n boud te braai nie. Gaan baie droog uitkom. As jy die wil sal ek eerder boud tjops saag, marineer en dit voorsit. ‘n Lekker smokey bbq, of soet-suur marinade werk goed. Dit moet lekker sticky raak wanneer jy dit braai.

Johann Swanepoel: As ‘n vark se smaak vir jou te wild is, laat dit vir 2 dae in die koelkas in ‘n emmer vars melk lê. Doen baie moeite met marinade en vulsel, hy is maar droog op sy eie.

Marcia Nell: Jare op wildsplaas gewerk. Smeer goed met karringmelk en los oornag. Stadig braai op kole, ons het gewoonlik ontbeen en dan blikkie bier in beenholte gesit soos hoender so 2 tot 3 ure.

Darius Ferreira: Stem saam met jogurt laat lê en later rooiwyn. Sout, peper, Worchestersous, thyme en rosemary is ‘n moet. Geniet hom!

SKILPADJIES A LA B
Resep en foto: Benhet Nieuwenhuis
FOOD LOVERS RECIPES
1 kg gemaalde wildslewer (ek maal altyd my lewer en niertjies en hart saam)
1½ teelepel sout
½ teelepel peper
½ teelepel BBQ spice
2 eetlepels Worcestersous
2 eetlepels blatjang
1 ui, gerasper
knippie nutmeg
knippie naeltjies
netvet

Meng al die bestanddele en sit in ‘n blok netvet wat gesny is omtrent 10 x 10 of 6 x 6 cm afhangende hoe groot jy dit wil maak.
Steek vas met tandestokkies en sprinkel braaispice en pietersielie bo-oor.
Geniet oor die vuur.

LEANNE SE KUDU FILLET OP DIE KOLE
Eerste keer wat ons kudu fillet braai. Het n paar idees gevat en dit was ongelooflik lekker. Kon nie glo dis wildsvleis nie. Ek het dit oornag gemarineer in Knorr Greek Salad Dressing. Het uie, knoffel, bacon en spring onion gebraai en dit laat afkoel en toe feta kaas daarin verkrummel. Die fillet gestop daarmee en in spek toegedraai en vasgesteek met tandestokkies. Ons het dit op die vuur gebraai en gereeld basting sous gesmeer.
Die kole was nie so warm soos wat jy steak op sou braai nie, ons het dit oor matige kole gebraai en heelwat gedraai sodat die bacon nie brand nie.

RESEP EN FOTO: Leanne Thurston Coetzer

WERNER SE GESTOPTE WILDSFILLET
Bron: Werner Werries Schulze
FOOD LOVERS RECIPES
Ek sny my wild filet oop en sit gekapte sprietuie, klein bietjie knoffel en bietjie kaas in. Dan steek ek hom toe met tandestokkies. Van buite af steek ek n paar gaatjies in, so 3 per kant en stop in elke gaatjie n Juniper Berry, twee rosyntjies en n stukkie varkspek. Dan laat lê ek die filet vir so paar uur in die yskas in Knorr se “20 min.marinade”. Braai hom vinnig oor warm kole tot hy die graad van gaarheid bereik wat jy verlang.

Haal af en draai dadelik toe in “glad wrap” en los vir so paar minute. Maak dan oop en sny skywe. Jy sal nie eers proe dit is wild nie. Jy kan n naeltjie of twee of koljander ook insit, maar nie te veel nie. Ek sprinkel klein bietjie “mediteranian spice rub” aan elke kant terwyl hy braai. Weereens nie te baie nie