ONTBEENDE WILDSBOUD GEVUL MET BACON, KAAS EN PEPPADEW
15 ml gedroogde basil
10 ml gedroogde tiemie
10 ml knoffel vlokkies
5 ml gedroogde roosmaryn
1,25 ml fyn naeltjies
30 ml fyn koljander
30 ml Aromatic Lemon and Herbs

Meng bogenoemde saam in ‘n bakkie en vryf fyn tussen vingers.
Meng 25 ml elk Worceshiresous en suurlemoensap in nog ‘n bakkie.
1 pak streaky bacon, dunner gestrek met die agterkant van ‘n mes
½ koppie fyn gerasperde Cheddar kaas of Feta, gekrummel
Pepadews, soveel jy wil.
Sout,varsgemaalde swartpeper en Aromat na smaak
gelatien poeier
olyfolie en braaisout
2 lourierblare en ‘n kersie. (opsioneel)
stuk vleis net.(Kry by jou slagter)
4,5 kg wildsboud

Ontbeen die boud en vlek oop tot redelik dun- so 2 cm.
Verwyder alle los senings en kliere.
Laat die boud oop le met die binnekant bo.
Sprinkel die woreshiresous mengsel oor en vryf goed in.
Sprinkel sout, aromat en maal swartpeper na smaak oor.
Strooi die kruiemengsel eweredig oor die vleis.
Strooi nou gelatien poeier oor.
Sprinkel die kaas eweredig oor.
Pak vleis toe met gestrekte bacon.
Skeur elke Pepadew in 3 dele en pak hier en daar op bacon.
Sprinkel van die peppadew stroop oor.
Strooi weer gelatien poeier oor.
Bind die vleisnet se een kant toe met n toutjie.
Trek vleisnet oor n groot koffieblik wat oopgesny is aan weerskante.
Rol die vleis op in n rol en werk hom in die koffieblik in van die oop kant van die blik af.
Tel die blik regop en skud die rol versigtig uit in die net in.
Bind die net teen die vleis af en sny die oortollige net af.
Werk die lourierblare en kersie onder die net in. (Opsioneel)
Vryf die hele rol met olyfolie in en sprinkel goed met sout.

OM GAAR TE MAAK:
Sny 2 uie in dik skywe en pak onder in ‘n baksakkie.
Sit rol op uieskywe.
Giet 250 ml Pynappelsap (liqui-fruit) by.
Bind sakkie af en plaas in n oond pan.
Steek n gaatjie in die bokant van die sakkie.
Sit in n voorverhitte oond op 180 ºC.
Draai onmiddelik die hitte af na 120 ºC.
Bak tot vleis gaar en sag is,omtrent 4 ure.
Kan ook deurnag gebak word op 100 ºC.
Die rol kan ook gevries word vir latere gebruik.
Resep: PIET POMPIES

GESTOPTE GEMSBOKFILLET
As jy so gelukkig is om ‘n vrieskas vol wildsvleis te he, probeer een van die lekker resepte.
1 gemsbokfilet (ongeveer 1 kg)
1 ryp, ferm avokado
½ (50 g) brie-kaas
1 pak (250 g) repiespekvleis

Vlek die filet in sy lengte oop en vul met skyfies avokado en brie-kaas. Vou toe. Le die spekvleisrepies op ‘n werkoppervlak en laat le die filet bo-op. Draai elke repie spek om die filet en vou na binne. Bind vas met tou. Braai in ‘n pan of rooster in die oond tot die spek goudbruin en bros is. As die filet dun is, sal die vleis ook nou gaar wees. As dit egter ‘n dik filet is, sit dit vir 10 – 15 minute in die oond by 180 °C. Laat rus vir 2 – 03 minute en sny. Sit voor met ‘n brandewyn- of groenpeper-roomsous, aartappels en groente.
Genoeg vir ses mense.
Variasie: Probeer ook ‘n kombinasie van bloukaas en gesnipperde groenvyekonserf of fetakaas met pikantrissies vir die filet se vulsel.
Wenk: As jy filet in ‘n pan gaan braai, sny die vleis voor dit gevul word in kleiner stukke sodat dit maklik in die pan sal pas.
Geplaas deur Michelle Coetzee

WILDSVLEIS MET SAMPIOEN- EN WYNSOUS
600 g wildsrugstring
1 blokkie vleisekstrak
250 g gekapte uie
50 ml knoffelpoeier
30 g BBQ speserye
1 pakkie Sampioensop
5 ml sojasous
50 ml mayonnaise

1 blikkie gesnipperde sampioene
100 ml tamatiesous
300 ml water
200 ml droë rooiwyn
100 ml kookolie
Sout en peper na smaak
Skakel die oond op 180°C. Sny die vleis in blokkies. Verhit die olie en braai die vleis vinnig bruin en daarna die uie. Plaas in oondskottel en gooi sout en peper na smaak by. Meng die sampioene in. Maak `n sous van die res van die bestaandele en gooi bo- oor. Sit deksel op en bak vir 2 uur. Vul met water aan indien nodig. Bedien met rys en `n groen slaai.

BLESBOK WILDSROL
1 ontbeende blesbokrib, vryf vleis in met sout
Marinade:
125 ml asyn
125 ml olie
125 ml sjerrie
12.5 ml worcestersous
12.5 ml tamatiesous
1 gekerfde ui
12.5 ml seledery
5 ml sout per 1 kg vleis
1 ml peper per 1 kg vleis
Plaas rib, vel na onder, op broodbord.

Stop rib met:
250 g spekrepe
gedroogde appelkose
500 ml gegeurde maalvleis
Rol rib toe en bind vas.
Marineer vleis oornag – behou marinade vir latere gebruik. Bak in toe pan teen 200°C (30 min vir elke 500 g vleis). Sif marinade en giet oor vleis – bak oop tot bruin.

WILDSBOUD IN BIER
3 kg Wildsboud
250 g varkspek of skaapstertvet
500 ml bier
50 ml BBQ spesery
25 ml knoffelsout
30 ml botter
50 ml bruinsuiker
10 ml sout
3 ml grofgemaalde swart peper

Lardeer die boud met die spek of vet. Marineer die vleis in die bier vir 2 dae, draai gereeld om. Verwyder die vleis uit die marinade en vryf droog. Braai die vleis bruin in verhitte botter en voeg verhitte marinade en die res van die bestanddele by. Prut vir
3-4 ure of tot die vleis sag is en sit voor.

Food Lovers Recipes

SPRINGBOKFILET MET BILTONGKORS
1 Springbokfilet , so 1 kg
Sout en peper
100 ml koekmeelblom
125 ml fyn biltong

Voorverhit oond tot 160 °C. Geur die filet met sout en peper . Rol in die meel, daarna in geklitste eier en laastens in die biltong. Oondbraai 15-20 min tot gaar buite-om, maar steeds pienk binne-in. Moet nie TE gaar maak nie. Draai in foelie toe, en laat rus 10 minute in lou-oond. Verhit n riffelpan tot rookwarm en panbraai vinnig. Sny in porsies en sit voor met groente en Uiemarmelade
Resep:  Carol Elliott Claassen

GEKRUMMELDE WILDSFILETTE
BAIE BAIE LEKKER
Enige groot filet of rump
Ontsening en sny in skywe
Meng 410 g ingedampte melk of karringmelk
25 ml aangemaakte mosterd
15 ml worcestersous

Marineer vir 2 dae in hierdie mengsel. Haal filette uit en droog af.
Berei krummelmengsel in plastieksakkie:
Krummels, sout, swart peper, Maggie-geursel en 25ml maizena. Plaas vleis in sakkie met krummelmengsel en skud goed. Haal uit en sit in die yskas vir 2 ure. Verhit olie in ysterpot, braai albei kante tot bruin. Plaas op opdienbord. Sit op elke filet ‘n kaaswiggie. Plaas terug in die oond (grill) tot kaas gesmelt het. Pasop vir brand.
Bedien met chips en mengelslaai.

Daar doer in die Kalahari – geplaas deur Rina Kleinhans

WILDSTEAK BLINDEVINKE
6 -8 plat skywe kudu of wilds steaks
1 pakkie spek (bacon) sonder swoerd
Sout/peper/fondor/braaivleisspeserye
1 groot lourierblaar
5 swart peperkorrels
suurlemoensap
250 ml room
125 ml skaap of varkvet of botter vir braai

Kap vleis liggies aan weerskante met vleishamer. Geur liggies met sout, peper, fondor en braaivleisspeserye. Plaas bacon op steak en rol op. Steek vas met tandestokkie. Sprinkel nat met suurlemoensap. Sit in kastrol en braai tot gaar in vet. Moet mooi bruin wees, giet die room oor, sit swart peperkorrels en lourierblaar by en prut vir 10-20 min.
Dien op met rys en gebakte aartappels.

Resep: Greeff Heydenrych

FYN GESTOOFDE WILDSVLEIS

1 kg wildsvleis, nek, bors, bene ens
200 g varkspek
10 ml sout
10 peperkorrels
2 lourierblare
6 naeltjies
knippie peper
25 ml asyn
50 ml rooiwyn

Plaas stukke vleis en spek in swaarboomkastrol, voeg, naeltjies en peperkorrels by, bedek met water. Kook vir 3-4 ure tot sag. Voeg res van die speserye by na 2 uur se kook. Verwyder al die beentjies en senings en vlok die vleis fyn. Hierdie vleis kan lank gevries word. Gebruik suurroomkors om pastei te maak.

SUURROOMKORS
375 ml koekmeel
1 ml sout
125 ml botter
125 ml suurroom
Sif meel en sout saam, vryf botter met die vingerpunte in die meel in. Voeg nou die suurroom by om ‘n stywe deeg te vorm. Rol die deeg uit en plaas bo-op vleis. Bak vir 20-30 min by 200º C tot ligbruin en bedien warm.

Resep: Rina Kleinhans

WILDSLEWER IN SUURSOUS
1 lewer en niere
500 ml room
5 ml sout
1 ui, gekap
peper na smaak
25 ml Maizena
450 ml asyn
olie vir braai

Sny lewer en niere in klein blokkies. Braai lewer, niere en uie in olie en bietjie water.
Plaas deksel op pot en prut vir 10 – 15 min.
Meng nou die room, Maizena en asyn en roer dit stadig by die gaar lewer en niertjies.
Bedien saam met roosterbrood of lekker stywe mieliepap.