DEON SE ONTBEENDE SPRINGBOKBOUD
Ek het ‘n springbokboudjie gebak waaroor die gaste gaande was.
1 springbokboud
karringmelk
vars roosmaryn
vars koljander
vars “chives”
slaphakskeentjies (Klein ingelegte uitjies)
sout en swartpeper
groot velle varkspek
8 naeltjies
1 pakkie bruin uie sop
fyn ingelegde knoffel
1 koppie rooiwyn
tou vir vasbind

Ontbeen die boud en sny in die lengte oop. Laat lê in karringmelk vir 2 dae in die yskas.
Verwyder die karringmelk en “stop” met die roosmaryn, koljander, “chives” en slaphakskeentjies, sommer mildelik, moenie skaam wees nie, veral nie met die slaphakskeentjies nie.
Sprinkel met sout en swartpeper.
Vou toe en draai groot velle varkspek om, bind vas met toutjies. Sit so 8 naeltjies tussen die vleis en die varkspek ingedruk.
Smeer dan die buitekant met die pakkie bruin uie sop en fyn ingelegde knoffel. Plaas nog vars kruie buite op net vir die lekker en die mooi.
Bak ‘n paar ure in ‘n toe vleisbak in die oond by 180 ºC.
Sodra dit gaar toets, gooi die sous af dat dit koud word en die vet bo-op stol.
Haal die koue vet op die sous af en gooi 1 koppie rooiwyn by en meng met die sous.  Kook sous lekker deur en gooi oor die boudjie. Sit terug in die oond vir ‘n rukkie dat die sous goed warm word, skep uit in opdien skottel en gooi sous oor die boudjie.  Bedien.
Resep en foto: Deon Huysamen

MARELIZE SE WILDSPASTEI
Resep en foto: Marelize Cloete‎
FOOD LOVERS RECIPES
1-1.5 kg wildsvleis
1 – 2 pakkies spek 250g elk
500 g – 1 kg bees chuck
1 ui, baie fyn gekap
2 blokkies hoenderaftreksel (opgelos in so ‘n koppie water)
60 ml koekmeel
10 ml (of na smaak) heelkorrel mosterd
250 ml melk
sout en peper

Kors:
125 ml melk
125 ml olie
200 ml koekmeel
1 eier
10 ml bakpoeier

Ek het oornag die wildsvleis in ‘n slowcooker op High (8 ure) gesit. (Asseblief week joune oornag in karringmelk as jy nie ‘n sterk maag het nie.)
Ek het toe die spek gaar gemaak en die beesvleis ook in die slowcooker gesit nadat ek die wildsvleis uit gehaal het. Dit het vir so 6 ure op hoog in gegaan.
Ek het toe die bees- en wildsvleis van die bene afgehaal en fyn gemaak, en al die vleis saam gemeng.
Daarna het ek die oorblywende bestanddele saam met die vleis in gegooi en in ‘n pot laat prut sodat meeste van die vloeistof verdwyn het. (Dit hang maar van persoon tot persoon hoe baie vloeistof jy in jou pastei wil hê). Skep die vleismengsel in ‘n groot pan.
Ek het toe die kors aangemaak en oor die vleismengsel in die pan gegooi.
(Dit was ‘n groot pan, maar een keer se aanmaak was genoeg gewees.)
Sit in voor verhitte oond by 180 ºC tot die deeg gaar en mooi bruin is.  Dit was maar so 20 minute in die oond. So dit het nie lank gevat nie. Ons het dit bedien met rys, slaai en olie-gebakte aartappels.

SWART WILDEBEES SIRLOIN ROOSMARYN ROL :
Neem heel sirloin, sny sy punt af, om sommer aan te kou terwyl jy kook. Verkieslik saam met ‘n glasie chardonnay.
Sny die sirloin in 2 gelyke stukke. Sny ‘n stukkie van die afval vleis, sit in mond, kou en sluk met wyn af.
Spiraal sny al twee sirloins versigtig oop soos ‘n A4 papier.
Klad droog die vleis en vat ‘n slukkie wyn.
Strooi growwe swart peper en sout, druk die peper en sout in die vleis met jou hande.
Maak anti kleef pan baie warm en seël die vleis vinnig. Haal uit en plaas roosmaryn takkies op die vleis en rol styf op.

Bind met tou vas en plaas roosmaryn takkies op die vleis deur dit onder die tou in te druk oral, reg om die rol.
Sit weer sout en peper buite om die rol.
BRAAI die vleis rol in ‘n pan met olyf olie tot lekker bruin.
Haal vleis rol uit die warm pan en laat rus.
NB die vleis binne in die rol is nog rou, het ‘n baie lekker smaak.
Sny die rol so dun as moontlik.
Bedien met fyn gekapte rou rooi ui, kapers, balsamiese asyn, olyf olie. Skink nog ‘n glasie wyn en geniet.
Resep en foto: Marchant Steenkamp

FYN WILDSVLEIS VIR PASTEIE
2 x 6 liters stoompotte vol springbok kookvleis bene oornag in asyn water.
2 groot uie 1 per pot
200 g spek in klein stukkies per pot
sout en peper
1 koppie asyn per pot vir oornag
½ teelepel fyn koljander
½ teelepel fyn naeltjies
6 heel peperkorrels per pot
2 oxo beef blokkies 1 in elke pot

Laat lê vleis oornag in asyn water.
Spoel volgende oggend baie goed af tot daar nie meer bloed is nie.
Kook vleis met al die kruie en sout en peper, spek en uie en beef blokkie tot dit van die been afval.
Dit neem so 3 ure op matige hitte.
Skep alles uit en haal vleis van bene af en maak lekker fyn.

NOTA: Deur kookproses proe of daar genoeg van alles is na smaak.
Ek het na ek vleis afgehaal en fyngemaak het ‘n koppie chutney deur geroer.
Vir pasteie het ek gekoopte deeg gebruik.
Heerlik op broodjies.
Dit maak 2 x 2 liters roomys bakkie vol na ontbeen.
BRON: Gideon Louw het my gehelp
FOTO: Ronell Muller Boshoff

CREAMY MEAT PIE
Photo and recipe by Curtis Dean Sagrys
FOOD LOVERS RECIPES
Have you ever wished you could do so more with a leg of anything (lamb, sheep or venison).
Now lets embrace the opportunity… for the pie on the photo I have used spring buck venison.
1  whole leg of meat of your choice
1 onion chopped
30 g curry powder/ 2 tablespoons
60 g beef powder stock/ or ¼ cup
30 g black pepper/ 2 tablespoons
15 g salt/1 tablespoon
60 g of your favorite spice(seasoning) or ¼ cup
20 ml oil
100 ml cream
500 ml water

Pastry:
400 g puff pastry
2 eggs
some cakeflour

In a steam pot cook the leg with water and stock for at least 3 hours on high temperature.
Remove from heat and with a fork see if it starts turning into shreds or separates, if not put back in heat.
When it starts shredding remove and separate the meat from the bone into another bowl.
Drain water left in different bowl and in that same pot throw in oil and let it heat then add onions and start frying. Add curry let it go for about 1 min, then add meat and fry for 5 min (remember to keep stirring it so that all the meat gets a chance to get the flavours of the onion and curry).
Turn down the heat and add the water let it simmer for about 5-10 min.
Add you favourite spice (seasoning), salt and black pepper and stir it continually for about 3-4 min.
Stir in the cream and let it simmer for 3 min then add to baking tray.
Preheat oven to 180°C or 365°F.

While that cools down make a clean surface to roll the pastry.
Spread some flour under, lay the pastry down and add some flour, then lightly flatten it just to make it cover your baking tray.
Then beat the eggs with a brush, coat the inside of your baking tray and fold over the pastry.
Egg wash with the rest of the egg making sure you cover all of it.
Bake for 20-25 min and enjoy!

GEMSBOK BREDIE IN DIE DRUKKOKER
2 uie, opgesny
10 gemsbok rashers, opgesny
4 aartappels, geskil en halveer
2 wortels, geskil en in ringetjies gesny
handvol gekerfde groenboontjies
4 knoffel stukkies, opgesny

Braai die uie en knoffel, gooi die vleis by en braai. Gooi al die groente in met 2 koppies Beef Aftreksel. Drukkook vir 40 min. Ek het nie nog speserye bygegooi nie omdat die Rashers klaar gespice is. Wanneer die druk af is. Dan meng ek van die sous met Bisto, tamatiesous en Chutney. Laat prut tot die sous dik is en bedien
Foto: Michelle Joubert

IDEES MET WILDSBOUD
Gwen Jonker
WIE kan vir my sê hoe maak mens wildsvleis MAKLIK gaar. Het ‘n Boud gekry, maar nog nooit wild self gemaak nie!

Aneen Ferreira Gwen Jonker
Dit hang af watse wildsvleis. Ek lê myne oornag in asynwater. Kook dan ‘n ruk in stoompot met skoon water nadat ek hom goed afgespoel het. ( omtrent so ‘n half uur. ) Gooi water af en gooi skoon water by met jou sout, lekker baie varkspek in blokkies gesny en omtrent 6 naeltjies. Kook tot van bene afval. Verwyder bene en kook dan verder tot sag.

Louw Coetzee
Weet nie watse boud dit is nie, maar hier is my springbok boud metode – maklik en lekker! Ek sout en wit peper die boud en sprinkel bietjie gemaalde naeltjies oor. Braai die boud bietjie bruin op die stoofplaat. Haal boud uit en gooi grof gekapte wortels, uie en knoffel in pot – halwe bottel rooiwyn en sit die boud bo-op die groente. Deksel op en in die oond teen 140°C vir 3 to 4 ure afhangend van hoe groot die boud is. Haal boud uit, maak toe met tinfoelie en maak toe met lap om warm te hou. Gooi die sous in die pot deur ‘n sif en sit terug op oond plaat op medium hitte en prut so bietjie. 10-15 minute later, sny die boud mooi dun op en sit in die sous – viola!

Cecile Jansen Volschenk
As jy lekker wildsboud wil eet, vat ‘n bottel Franse slaaisous, gooi dit oor jou boud. Vat jou naeltjies en gooi ‘n paar oor (ek sit myne in peper grinder dan sien jy dit nie en byt nie die stukkies raak nie). Maak toe met foelie en bak teen 220°C. Kan kort-kort oopmaak en sous bo-oor gooi. Baie belangrik wildsvleis soek growe sout.

Rhoda Philander
Ek stem met Aneen met eers voor bereiding te doen. Eers in asyn te lê is baie belangrik, dan te kook en bloederige water af te gooi en dan gaar te maak.
Aneen Ferreira
Rhoda ek maak my boud al 42 jr so gaar. Asynwater trek die wildsmaak uit. By my ou skoonma geleer wat ‘n boervrou was.

Annatjie van Vuuren
STOP met spek naaltjie koljande sout uie bladjan toe draai in foelie laat staan oor nag in oond teen 100 grade.Bak tot gaar.
Maria Helena Bosman
Laat lê wildboud oornag in karringmelk.
Pattie Rossouw
Bak stadig en lank in 2 bottels italiaanse slaaisous! Perfek
Foto:  Koos van der Merwe

GORDON SE GEURIGE WILDSBOUD
Marineer die wildsboud vir 3 dae in een van die volgende marinades:
375 ml droë rooi wyn
125 ml asyn
1 middelslag ui, in skywe gesny
2 knoffelhuisies, gekneus
sout en peper na smaak
Meng alles saam.

OF
jy kan ook die volgende marinade gebruik:
600 ml rooi wyn
150 ml asyn
3 knoffel huisies, gekneus
3 lourierblare
1 lemoen se skil, gerasper
1 eetlepel gekapte pietersielie
Sout en peper na smaak
Meng alles saam.

Marineer 3 dae lank.
Plaas vleis in swaar kastrol, vul die kastrol met 15 mm marinade (die marindae moet 15 mm diep in die pot wees (sien resep onder).
Stel oond op 180°C,  laat 20 min lank bak vir elke 500 g vleis.
Bedruip die vleis elke 10 min terwyl dit bak.
Toets vir gaarheid, laat rus rukkies voor jy opsny en bedien.

Nota:  Jy kan ook repe spek oor die vleis sit.
Ek gee ook hier vir jou ‘n sous wat jy oor gaar vleis kan voorsit of oorgooi:
Prut tesame in ‘n klein kastrol:
1 eetlepel botter
125 ml korente of appel of kweperjellie.
Halwe teelepel sout
Knypie fyn naeltjies
125 ml water
125 ml portwyn
Sap van een suurlemoen
Knypie rooipeper
Voeg die oorblywende vloeistof waarin die vleis gebraai is hierby en ook die portwyn.
Laat opkook en verdik met mielieblom indien nodig. Geniet!
Resepte: Gordon Strauss

ELIZE SE TARENTAAL PASTEI
Resep en foto: Elize de Kock
FOOD LOVERS RECIPES
1 kg nek, lies of bors van wild, haas of tarentaal in stukke gesny
6 kruie naeltjies
3 lourierblare
1 knoffelhuisie
10 peperkorrels
10 ml (2 teelepels) sout
2.5 ml (½ teelepel) peper)
25 ml (2 eetlepels) asyn
62 ml (¼ koppie) rooi soetwyn, indien verkies
50 g varkspek

Vee die vleis met ‘n klam doek af en sny dit in stukke.
Plaas die vleis en spek, in repies gesny, in ‘n swaar kastrol en gooi genoeg water oor om dit net te bedek.
Voeg die naeltjies en die peperkorrels by en laat 3-5 uur lank stadig oor lae hitte of in ‘n stadige oond by 120ºC tot 150ºC, stowe.
Voeg die ander kruie, sout en asyn by nadat dit 2 uur lank gestowe het.
Haal die naeltjies en die peperkorrels uit en voeg die wyn by ‘n halfuur voor dit klaar gekook het.
Die vleis moet maklik van die bene afkom as dit gereed is. Verwyder al die bene en die velletjies en maak die vleis met ‘n vurk fyn.
Die sous kan met meelblom verdik word wat met koue water gemeng is, indien verkies.
LW: Dit kan ook gebruik word in ‘n pastei.

RIBBOK GROENTEPOT
Resep geplaas deur Christelle van Rooyen
Foto: Christelle van Rooyen
FOOD LOVERS RECIPES
Ongeveer 800 g gaar en fyn ribbokvleis (myne is afgekook van bene en in pakkies gevries met sous)
1½ koppies McCain Hawaiian Stirfry groente
½ koppie gevriesde ertjies
1 medium gekerfde wit ui
1 koppie rou macaroni
1 koppie blokkies gevriesde boerpampoen (of ander groente van jou keuse)
1 pakkie Knorr brown onion soup
sout, Aromat en peper na smaak
gedroogde knoffelkorrels na smaak
Gooi vleis, gevriesde groente (behalwe pampoen), ui en macaroni in ‘n medium pot en verhit. Maak seker daars genoeg sous om alles in te kook of voeg bietjie water by. Voeg sout, peper, bietjie Aromat en knoffelvlokkies by. Voeg die gevriesde pampoen by sodra die macaroni amper gaar is. Maak die soppoeier met klein bietjie water aan en voeg by vir smaak en dikker tekstuur soos benodig sodra alles gaar is. Roer gereeld dat pot nie aanbrand onder na sop bygevoeg is nie.