Gekaramaliseerde tamaties:
Verhit die balsemiek asyn en suiker en laat prut tot dikkerige stroop.
Gooi tamaties en sout by en laat deur warm word.
Opdien: Sit pastei op opdienbord. Gooi die balsamiese reduksie en tamaties oor die pastei.
Resep geplaas deur Charne de Jager
Foto: Charne de Jager
Sif die droe bestanddele saam (ek hou my droe bestanddele altyd klaar afgemeet in ‘n ziplock sakkie in die vrieskas (iets soos my eie bokskoek he he he)
Klits die olie, eiergeel en water saam tot skuimerig.
Voeg die vanilla by.
Voeg die droe bestanddele by en klits vir ten minste 4 minute.
Klits die eierwit styf en roer by die mengsel
Bak die cupcakes in die cupcake maker of in die oond in silikon bakkies, want jy gaan die cupcakes uit die bakkies verwyder.
Maak ‘n basiese sjokolade versiersel:
4 eetlepels kakao
50 ml kookwater
1 teelepel vanilla
400 g versiersuiker
2 eetlepels botter / margarien
Meng die kakao met die kookwater om ‘n dik pasta te maak. (moenie nou proe nie, dis sleg!! )
Meng die botter / margarien deur die mengsel
Meng die versiersuiker baie deeglik deur die mengsel.
Neem 2 cup cakes en plak dit opmekaar vas met versiersuiker.
Smeer versiersuiker rondom die 2 cup cakes
Plak kit kat stafies rondom vas
Gooi aarbeiroom in die holte bo en versier met maltesers
BRON- Corne Liebenberg
MOSSEL PASTA (wenner -pasta week)
My aand kossies iiiss my pasta gereg saam met mossels en dit WAS lekkkkr !
2 eetlepels ongesoute botter
halwe pakkie spek
2 shallots gekap
1 koppie witwyn
kwart teelepel chillivlokkies
Groot blik geblikte tamaties(ons het vars tamaties gebruik)
5 koppies rou spaghetti
kwart koppie vars pietersielie
1 huisie knoffel
40 – 50 skoon mossels(alreeds in water gekook sodat hulle oopgaan)
Verhit botter en voeg spek en shallots by en roer tot spek verbruin.
Voeg die wyn en chillivlokkies by en kook vir ongeveer 2 min tot die vloeistof verminder het.
Voeg die tamaties by en kook(+- 10 min) tot vloeistof met die helfte verminder het.
Intussen kook die spaghetti in soutwater vlgs aanwysings en dreineer.
Kap die pietersielie, knoffel en 1 t sout saam op n houtbord..
Voeg die mossels by die sous en roer.
Bedek en kook vir +- 10 min.
Verwyder die mossels en sit dit in ‘n aparte bak.
Voeg die spaghetti by die sous en verhit vir 1 min. Voeg knoffelmengsel by.
Skep die pastamengsel in ‘n bak en skep die mossels bo op.
Resep geplaas deur Gideon Louw
Geplaas deur: Gideon Louw
Druk die Bacon Kips fyn, smelt die margerien en meng saam. Verdeel in 5 gelyke dele.
Spoel jelring net met koue water uit, maar voer pannetjie met kleefplastiek.
Vul jelring of broodpannetjie in lae as volg:
1. Eerste koekielaag.
2. Die eiers gemeng met ‘n bietjie mayonnaise, sout en peper.
3. Koekielaag.
4. Die maaskaas gemeng met die Cheddar kaas.
5. Koekielaag.
6. Die avokado’s, fyngedruk en gemeng met bietjie suurlemoensap en mayonaise.
7. Koekielaag.
8. Die hamskywe, opgekap in klein blokkies en gemeng met mayonnaise en mosterd.
9. Koekielaag.
Druk vas en plaas in yskas vir so 2-3 ure. Keer uit op bord voor bediening. Enjoy!
BRON- Judy Bester
VISSERMANSPOTJIE – WESKUSKOS (wenner – vis en seekos week)
6 porsies
2 e olie (30ml)
2 groot uie in skywe gesny
1 rooi soetrissie gekap
1 t knoffel (5ml)
1 k rou rys (250ml)
4-6 tamaties gerasper (sny in helfte en rasper – gooi velle weg)
2 t sout
1 t rooipeper
3 k hoender aftreksel (750ml)
suiker indien nodig
500 g witvis filette (hake)
250 g bevrore ertjies
Verhit olie in swaarboom kastrol
Smoor uie en soetrissie tot sag
Voeg rou rys by, roer tot gemeng
Voeg tamaties, sout en rooipeper by met 2 1/2k (625ml) van die aftreksel
Bedek en prut vir 30 minute, proe en voeg suiker by indien nodig
Voeg vis by rysmengsel, roer ertjies by en prut verder vir 15 minute
Kyk dat nie droog kook nie en voeg res van aftreksel by
FOTO- Marie Dumas Jennings
Resep geplaas deur Maria Dumas Jennings
BASIESE BROODDEEG (wenner – brood week)
Hierdie resep noem ek my DKW (dans, kerk en werk) brooddeeg, omdat ek dit vir ALLES gebruik.
Vir die brood op die foto, lees die nota onder aan asb?
1 liter louwarm water
1/8 koppie asyn (30 ml)
1/8 koppie suiker (30 ml)
½ koppie olie + nog ½ koppie olie om mee te knie
2 eetlepels sout
22 g kitsgis
12 koppies koekmeel
Meng die kitsgis, ½ koppie olie, louwarmwater, asyn, suiker en sout en laat staan tot die mengsel skuimerig word.
Indien dit nie skuimerig word nie, is die gis oud en nie die moeite werd om meel op te mors nie.
Voeg nou die 12 koppies meel by die mengsel en knie goed deur vir 20 minute terwyl jy die ½ koppie olie geleidelik in knie, bietjie vir bietjie.
Maak die bol deeg mooi glad bo op en smeer met ‘n bietjie olie.
Maak toe met plastiek en laat op ‘n warm plek rys tot dubbel die volume.
Knie die deeg af en gebruik waarvoor benodig word.
Ek maak 400 g pakkies op in ziplock sakkies en druk dit mooi plat sodat daar heelwat sakkies bo op mekaar kan pas. Vries die deeg en haal die aand voor gebruik uit en ontdooi in die yskas.
Knie die ontdooide deeg en laat om te rys.
Gebruik soos gewoonlik
Die resep was oorspronklik Kobie Adams sin, maar ek het dit oor die jare aangepas.
Resep en foto: Corne Liebenberg
Aartappel en kaas kruieballetjies
Gaar aartappel
Cheddar kaas (of bietjies verskillende kase)
Gemengde kruie
Bruin brood krummels
Botter
Sout en peper na smaak
Geen hoeveelhede beskikbaar nie.
Meng al die bestanddele tot ‘n hanteerbare “deeg”
Vorm ‘n bal en maak toe in kleefplastiek.
Verkoel vir ten minste 30 minute.
Rol balletjies en hou koud totdat jy dit bedien.
Gevulde aartappelskille
6 Jong gaar aartappels
Vulsel van jou keuse (ek het oorskiet sampioensous gebruik.)
Cheddar kaas
Swart saadjies (Black seed)
Sny die gaar, koue aartappels in die lengte in die helfte deur.
Hol die aartappel met ‘n teelepel uit, maar behou omtrent ‘n ½ cm van die aartappel in die skil.
Vul met die vulsel van jou keuse.
Strooi cheddar kaas oor.
Strooi swart saadjies oor.
Rooster in die oond tot die kaas begin verkleur.
Tiemie en growwe sout aartappelwiggies
Sny gekookte aartappels in wiggies.
Bak in olie tot goudbruin
Skud met growwe sout en tiemie.
Geroosterde knoffel en pietersielie yoghurt doopsous.
2 Geroosterde knoffel bolle
½ Vars pietersielie
5 Eetlepels bulgaarse yoghurt
½ koppie mayonaise
6 Heel peperkorrels
Growwe seesout
Verwerk al die bestanddele in ‘n voedselverwerker tot heeltemal glad.
Idee vir opdien: halwe groenpeper.
Mini tamatie en mozzarella aartappel ‘pizza’
Sny gaar aartappel in 1 ½ cm skywe.
Bak in olie tot mooi bruin
Sny ‘n tamatie in dun skywe en soek naastenby dieselfde grote tamatie as aartappelskyf.
Strooi sout en peper oor die tamatie
Strooi mozzarella kaas oor die tamatie.
Strooi droe basilliekruid oor die kaas.
Rooster tot goudbruin.
Aartappel en gemengde groente poffertjies
3 Gaar aartappels in blokkies gesny
100g Gevriesde gemengde groente
1 Koppie meel
2 Eiers
1 ½ koppie melk
1 Teelepel bakpoeier
Sout en peper
Meng al die bestanddele saam.
Meng die bakpoeier laaste in.
Bak teelepels vol deeg in warm olie tot goudbruin.
Dreineer op kombuispapier en bedien.
Bron: Corne Liebenberg
MUSHAVI FILLET MET OESTERVULSEL IN NETVET
1 Groot bees fillet heel
Netvet groot genoeg om fillet gemaklik te omsingel
1 Blikkie gerookte oesters in stukkies gesny
1 Blik ingelegde perskes in stukkies gesny
3 groen Appels in klein stukkies gesny
1 Teelepel Fennel saad
1 Teelepel growwe swart peper
1 Teelepel heel swart peper
2 Knoffelfhuisies fyn gesny
1 Plat eetlepel growwerige sout
125 ml Kikoman Soyasous
125 ml Balsamic Assyn
1 Suurlemoen se sap
Handvol vars Pietersielie, sweet basil, roosmaryn opgekap en gemeng
Handvol Fennel takkies vir garnering nadat vleis gaar is
Vat een glas rooiwyn en drink dit
Plaas skoon gesnyde fillet op oop netvet
Maak snye oor breedte deur fillet tot amper deur elke 3cm uitmekaar|
Meng vloeistowwe, knoffel en pepers en gooi oor vleis
Meng alle bestandele goed behalwe vars fennel en prop dit in die snye van die fillet
Vou netvet om fillet en steek vas met tendestokkies
Laat staan in vleisbak in yskas vir ‘n dag
Braai die fillet oor baie matige kole om nie die netvet the verbrand nie maar wel te braai. Draai tweekeer om. Jy kan growwe sout oor netvet strooi dat hy mooier kan karmanaliseer, maar dis nie nodig nie. Braai tot netvet gaar is en fillet medium en sappig. Strooi fyn fennelblaatjies en stingeltjies oor en dien op deur langs die vulsels deur te sny.
Drink verskeie glase rooiwyn tydens die proses….
Resep en foto: Deon Huysamen
LOUISE SE WENNER JODETERT
hierdie spesifieke resep is die een wat my ma altyd gemaak het, toe ek nog kind was. Ek het die reseppie op ‘n stokou uitklipseltjie van ‘n vergeelde stukkie koerant tussen my ma se resepte ontdek, na sy oorlede is. My ma kon baie goed bak en dit was droomlekker as sy dit gemaak het. Dit bly, soos Johannes inderdaad sê, een van die lekkerste koeke wat bestaan! Dis ‘n absolute moet dat dit oornag moet staan. Die koeklagies en vulsel “fuse” dan saam wat dit maklik maak om te sny die volgende dag.
1 eetlepel botter
¼ koppie suiker
2 teelepels bakpoeier
2 eiers
1½ koppie meelblom
Klits die botter en suiker tot room. Voeg die eiers een een na mekaar by. Meng baie geod na elke toevoering. Voeg droë bestanddele by om ‘n rolbare deeg te vorm. Rol baie dun uit en verdeel in vyf ewe groot ronde skywe. Bak in 375 grade tot gaar.
Vulsel:
2½ koppies melk
2 eetlepels meelblom
½ koppie suiker
1 teelepel vanielje
2 eiers
Verhit die melk tot onder die kookpunt. Klits eiers en suiker deeglik en voeg die meelblom by. Voeg eiermengsel by die melk en roer tot dik. Kook 2 minute. Voeg vanielje by. Laat koud word. Sit lae opmekaar met vulsel tussenin. Bedien die volgende dag.
Resep en foto: Louise Groenwald
