1

RIGLYNE VIR DIE GEBRUIK VAN JOU WEBER

RIGLYNE VIR DIE GEBRUIK VAN JOU WEBER

Nee dis nie gekompliseerd nie. Daar is twee metodes,
1 direk: Dan plaas jy genoeg kole op die onderste rooster en braai op die boonste. Eintlik is ‘n weber nie ‘n gewone oop braaier nie, maar mense gebruik dit tog so ook.
2: Indirek. Plaas die twee kolerakkies drie ystertjies ver van die kante af in lyn met die ystertjies van die rooster. Plaas blokkie blits by albei en pak tussen 20 en 30 charcoals per rakkie om/op dit en laat brand met deksel af. Wanneer al die kole grys is, plaas boonste rooster in lyn met onderste op, plaas vleis in middel bokant die drupbak. Die tinfoelieagtige drupbakke koop mens in pakke by die verskaffers en kan hergebruik word tot hy die gees gee.
Plaas dan die deksel op met die gate na vore soos die roosters ook moet lê. Voor verwys na die handvatsel wat by die poot sonder wieletjies is. Albei ventileerders moer deurgans oop wees. Draai die weber so dat die rook wat by die boonste ventileerder uitkom na voor waai, met ander woord in jou gesig as jy voor die weber staan. Dit is die “volmaakte set-up. Wanneer jy klaar gebraai het maak die twee ventileerders toe dan vrek die kole dadelik en kan jy dit weer gebruik as jy wil, dus gebruik genoeg kole eerder as te min.

Nota:  Gebruik charcoal (harde rondes of driehoeke) en verkieslik die indirekte braai metode met die kole aan twee kante en drupbak in die middel. Plaas 30 charcoals aan elke kant met blitz. Hou die weber oop tot kole almal grys is. Plaas vleis in en deksel op. Albei roosters moet na die voorkant kyk om konveksie te bevorder. Die deksel ook. Die onderste en boonste gate moet heel oop wees en oop bly. Die wind moet van agterkom, draai die weber. Moenie kort kort loer nie. Hoender vat ‘n uur, ens.

Deon Huysamen




LEKKERSTE HOENDER (weber)

LEKKERSTE HOENDER (weber)

My man maak die lekkerste hoender in die Weber.
Ons gebruik altyd dytjies en boudjies met die vel aan.
Marineer ‘n uur voor die tyd.
Jy benodig:
Worcestershire sous
vars suurelemoensap
goeie olyf olie en
Robertson se Portuguese Chicken spice
Ons gooi alles in ‘n groot tupperware bak en skud tot alles gemeng is.
As die kole reg is sit die hoender op en bedek met die deksel en los vir twee ure.
Dis die lekkerste crispy hoender!
Bron: Nicolene Boonzaier




KETELBRAAIHOENDER MET ’N APPELKOOSVULSEL

KETELBRAAIHOENDER MET ’N APPELKOOSVULSEL

Vulsel
50 g gevlokte amandels
150 g sagte Turkse appelkose, in skyfies gesny
1 knoffelhuisie, gekneus
100 ml gekapte vars salie of Italiaanse pietersielie
30 ml (2 e) vars tiemieblare
sout en varsgemaalde swartpepper na smaak
Hoender
75 ml (5 e) olyfolie
sap van 1 suurlemoen
1,5-1,8 kg heel hoender
handvol vars kruie van jou keuse, bv. origanum, tiemie, Italiaanse pietersielie of salie
2 leë tunablikkies vol eikesaagsels (opsioneel)

Vulsel:
Verhit ’n klein pannetjie oor matige hitte en rooster amandels droog (sonder enige olie) vir ’n paar minute tot goudbruin. Wees versigtig dat dit nie brand nie, want dit rooster baie vinnig.
Meng amandels met die res van die bestanddele en geur na smaak.
Hoender:
Berei ketelbraai met ongeveer 30 brikette in elke kolehouer.
Meng intussen olie met suurlemoensap en geur na smaak. Smeer van die oliemengsel oral oor hoender. Maak vel aan borskant versigtig los, smeer van mengsel onder vel en versprei die kruie onder vel.
Skep die vulsel in die maagholte van die hoender, maar moenie dit te styf stop nie.
Die kole is gereeld sodra ’n dun lagie as op die brikette vorm. Sit blikkies saagsels direk op kole met rooster bo-oor en plaas hoender in middel van rooster, maar nie direk bo-oor kole nie.
Plaas deksel op. Hou ventilasiegate bo en onder oop. Rooster vir 1 uur. Toets hoender deur ’n skerp mes of metaal-kebabstokkie in die diktse deel van dy te druk. As helder vloeistof uitloop, is hoender gaar. Rooster nog 15-20 minute indien nodig. Weens die gaarmaak-metode en rook sal die hoendervleis dalk effens pienkerig vertoon. Indien dit nie bloederig is nie, is hoender beslis gaar.
Sit hoender met die Aromatiese pilaf (sien resep hieronder), ’n groenslaai en vars vrugte voor.
Wenke
1. Eikesaagsels kan by enige hardewarewinkel of by groot supermarkte gekoop word.
2. Die hoender kan ook in die oond teen 180 °C gaargemaak word. Dit sal tussen 1-1½ uur neem, afhangend van hoe groot die hoender is.
3. Die maklikste manier om ’n gaar hoender in porsies te sny, is om dit met ’n skerp kombuisskêr te knip.
4. Die vulsel kan ook in ’n ontbeende varknek gebruik word. Maak ’n lang snit in die lengte van die vleis, vul en bind met tou vas om die vorm te behou. Rooster soos hierbo.

Elda Lombard
EE Jacobs




SKAAP RUG OP WEBER

tested

SKAAP RUG OP WEBER

Kry vir jou die Skaap se rugstring.
(Agterste deel maw saddle soos ingelse se )
Spessery na smaak .
Ek smeer dit goed in met wochesire sous.
Sout en peper en kruie bv fyn roosmaryn.
Plaas op weber met vet kant na bo.
(net vir so n halfuur dan draai jy hom om.)
As hy gaar is en jy het nie n vleissaag om hom
tjoppies te saag nie , dan kan jy die rug biltonge so
uit sny. Of n ou wat vleis goed ken sal deur die litte kan sny .
Dit klink dalk na n vermorsing en tydrowend , maar om daai vleisie met been en al so in een stuk te braai is voorwaar iets om te proe.
Dit wys net weer koekom kokke verkies om wleis met been dele in voor te bery . Dit gee beter smaak.
Daai vleis is so geurig ,, en so sag soos murg !!

Dries Von Weidtz




HOE OM JOU WEBER TE GEBRUIK

HOE OM JOU WEBER TE GEBRUIK

‘n Suksesvolle Weber braai hang af jou hitte !
Hoe lui die spreekwoord ? Goed begin is half gewin .

Maak seker die ventilasie gate aan die onderkant van jou Weber is oop.
Rede : Die kole moet n trek kry .

Kole : Gebruik die brikette (wat lyk soos n koekie seep) Nie die houtskool nie
Rede : Die houtskool is nie saamgepers nie en gaan nie lank genoek brand nie.

Aansteek: Gebruik eerder te veel as te min blits.
Rede : Niemand wil regtig blaas en hoes en proes om n vuur aan die gang te kry nie.
(Al laat dit jou voel soos Bear Grylls of Mcguyver)
Wag dat jou blits lekker brand voor jy jou brikette op gooi . Gebruik genoeg brikette
vir die tipe vleis wat jy wil gaarmaak . Ek pak aldyt myne so 3lae elke kant.
+- 15 brikette ekle kant . Nou wag jy totdat al jou brikette mooi wit warm is
(letterlik) As jy jou deksel toemaak voor al die kole aan die gloei is gaan hulle vrek.

Dit was nou op julle merke , gereed , en nou ……

Gaan : Nou plaas jy jou vleisie op die boonste rooster , in die middel van die 2 rye kole .
Nou is dit ook die perfekte tyd om jou skaafsels oor die kole te strooi as jy die vleis wil rook.(net so n handjievol op elke ry kole)
Sit die deksel op . Maak seker die ventilasie gate bo op die deksel is oop , anders gaan jou kole smoor.

Vir die gaarmaak van verkillende snitte vleis kan jy dieselfde kriteria as die vir die oonde gebruik bv. 1/2 uur per 500g en so aan.
Dit is nie nodig om jou skepping kort kort om te draai in n Weber nie.
Inteendeel hoe langer hy toebly hoe beter hou hy die teperatuur konstant , net soos jou oond ,hy vat net 2x langer om weer op temperatuur te kom.

Sit nou terug saam met jou gaste en ontspan totdat dit tyd is om jou skepping af te haal , te kerf , te bewonder en dan te smul (of verslind).

Dries Von Weidtz

 




LEKKER HOENDER IN DIE WEBER

LEKKER HOENDER IN DIE WEBER

Ons skoonseun het sy Webber vir ons gegee en dit het hele ruk in ons motorhuis gestaan toe sien ek een aand op Tv hoe iemand ‘n heel hoender daarin braai en hoe maklik dit is toe haal ons dit uit die resep wat sy gemaak het is so: Maak vuur met die kole en sodra dit halfuur gebrand het en kole so wit assie maak Vat jy heel hoender gooi dit rooi van die hoenderspeserye sit in Webber op indirekte hitte ( nie op kole nie)met gate bo en onder oop maak deksel toe en gaan na uur eers kyk en hoender gaan gaar en sappig met so “crispie” vel wees en dit was heerlik ek het Kersfees weer hoender gemaak maar met die bierblik braairaampie waar die hoender so regop sit

Stompie Theron Borman




DEON SE GESTOPTE ” DAME” HOENDER

tested
DEON SE GESTOPTE ” DAME” HOENDER

Ek het sopas een gedoen en sy sidder nou in die ketelbraai, oond werk ook. Ek het ‘n pak gemengde gedroogte vrugte geneem en Honey & Mustard slaaisous oorgegooi (haal pitte uit pruime). Daarna pietersielie, swart peper, sout en tiemie, 3 heel naeltjies en twee lepels suurlemoensap daarmee gemeng.
Ek stop toe daai juffrou se kanale gelyk vol, bo by die krop en in die fondasie. Bo het ek die vel toegetrek en met tandestokkies vasgesteek. Daarna het ek die dame olyfolie gesmeer soos jy ‘n dametjie op Sandy Bay sou smeer en toe bietjie sout en swart peper en droë pietersiele oorgestrooi. Tinfoelie slaapsak en daar gaat sy oond toe. Wanneer sy gaar is maak die tinfoelie bo oop en rooster bietjie.

Resep geplaas deur Deon Huysamen

 




VIERVOETIGE SIAMESE TWEELING- HOENDERBRAAI

 

tweeling hoenders elizetested

VIERVOETIGE SIAMESE TWEELING- HOENDERBRA

Een hoenertjie met tant doortjie, en een met spare rib marinade uit ‘n pakkie en garlic sout en peper.

Tanduri Chicken

Juice of 1 Lemon
half tsp fine pepper
2 Tblsp oil
2 Tblsp margarine
1  1/4 tsp green pounded chillies ( I have used red jalapeno)
1 1/2 tsp ginger/garlic
3/4 tsp fine salt
1 tsp crushed cumin
1 tsp crushed coriander seeds
2 tblsp cream
2 drops of red food colouring

Mix oil and margarine and set aside.

Fry cumin and coriander dry for 1 min. Pound until coarse add all other spices chilli and lemon juice and cream, colouring  and make a paste, add about a tablespoon of oil mix to make it sticky. Smear chicken and marinate a few hours.

Braai in weber on spit and baste with Oil and margarine mix. Do not braai to long it will be dry(. 45 minutes.

Tie each chicken up by securing the wings and legs with a kebab stick. Push the rotisserie shaft  threw both chickens, in  a head to head position, push one more kebab stick through both chickens to join them together.  This will ensure that the chickens rotate with the shaft.

Hendrey  Grobbelaar




STUFFED BEEF FILLET

STUFFED BEEF FILLET
(serves 6)
1.5 kg beef fillet, trimmed
Salt and black pepper
2 Tbsp melted butter (I substituted olive oil)
For the stuffing:
100g canned smoked oysters or smoked mussles
3 Tbsp fresh breadcrumbs
3 Tbsp fresh parsley, chopped
½ tsp dried thyme (I also added ½ tsp rosemary)
Salt & black pepper
2 Tbsp melted butter
1 small onion, chopped
1 clove garlic, chopped
2 Tbsp dry sherry
3 Tbsp sour cream

Make the stuffing first. Melt the butter (or heat the oil) & sautée the onion and garlic. Combine the oysters, breadcrumbs, parsley, thyme, salt & pepper. Add the onion, garlic (together with the oil/butter in the pan), sour cream and sherry and mix well.
Make an incision to create a pocket down one side of the fillet leaving, the 2 ends closed if possible. Alternatively, use a sharpening steel to make a hole down the middle of the fillet. Stuff the meat.
Using a needle and thread, sew up the opening if the meat has been cut and tie with string to keep in shape. Season lightly and brush with melted butter.
Prepare an indirect fire and fit a foil drip tray between the coals. Place meat in a roast holder (we didn’t have one – not really necessary) and position it on the grid over the drip pan.
Cover the kettle and cook for 25-30 minutes, depending on the degree of rareness required. Cover with foil ans allow to rest for 5-10 minutes before carving.
Recipe: Kevin Pearson




VARKBOUD IN DIE WEBER BRAAIKETEL

varkboud op weber

VARKBOUD IN DIE WEBER BRAAIKETEL

(kan ook in ‘n gewone oond gaargemaak word)Hierdie is een van Ina Paarman se gunsteling-resepte en is baie gewild by fynproewers wat daarvan hou om in die buitelug te onthaal. Dis ‘n staatmaker wat ook maklik in ‘n elektriese oond gaargemaak word vir enige kuier-geleentheid.1 heel (kleinerige) varkboud van ongeveer 3,5 kg
olyfolie
Ina Paarman’s Lemon & Black Pepper Seasoning
1 x pakkie Ina Paarman’s Lemon & Herb Coat & Cook Sauce
appelsous of kweperpuree vir bedieningVra die slagter om die varkboud se vel in een stuk af te haal sodat daar nog ‘n dun lagie vet op die varkboud agterbly. Hou die vel eenkant tot omtrent 30 minute voordat die boud bedien word. Sit die vel op kombuispapier op ‘n bord en sit dit oop sonder enige bedekking in die yskas.Vryf die boud reg rondom in met die Lemon & Black Pepper geurmiddel. Vryf nou in met olyfolie. As jy tyd het, laat hierdie gegeurde boud nou oornag in die yskas rus.(Bedek liggies met kleefplastiek).

Bereken vooraf die totale gaarmaaktyd van die boud. ‘n Veilige formule is om die boud 1 uur vir elke kg wat dit weeg, teen 170°C te bak, met ‘n pro-rata hoeveelheid tyd bygereken vir die hoeveelheid gram meer as ‘n kilogram. ‘n Varkboud van 3,5 kg sal dus 3 uur en 30 minute bak. Aan die einde van die gaarmaakperiode voeg jy altyd 20- 25 minute ekstra gaarmaaktyd by.

Indien jy ‘n gas-braaiketel het, stel die hitte op medium-warm (170°C) of verhit jou elektriese oond vooraf to 170°C. Indien jy met brikette braai, sorg vir matige (nie baie warm nie) kole.

Sit die boud oop op die draadrakkie van die ketelbraai of in die gewone oond. Maak die Weber se deksel toe. Sit ‘n bak of foeliehouer onder die rakkie waarop die boud is, om die souserigheid wat afdrup op te vang.

Bak die boud vir ongeveer 2 ure en moenie die oond of die braaiketel onnodig oopmaak nie.

Sny nou met ‘n sker ‘n klein hoekie van die Lemon & Herb sous se pakkie af, en gebruik die pakkie soos ‘n spuitbuis. Spuit ‘n dun lagie sous bo-oor die varkboud, maak die oond of braaiketel weer toe en bak verder. Bespuit elke 20 minute, totdat al die sous opgebruik is.

Verwyder die boud en plaas in die lou-oond, of toegemaak onder foelie op ‘n dienbord op ‘n warmskinkbord om vir 15 – 20 minute te “rus”. Die rusperiode sal ‘n sappige eindproduk verseker.

Vryf die vel in met sout en ‘n bietjie olyfolie, en sny in 2 cm repe vir individuele porsies. Sit oop op ‘n bakplaatjie en bak in ‘n warm oond (200°C) of selfs onder die oondrooster totdat die velkant goudbruin en bros is. Dit kan halfpad omgedraai word om die vetkantjie ook bros te bak.

Sny die varkboud in dun skyfies en sit voor saam met die repe bros varkvel (crackling) en warm appelsous of kweperpuree.

Korrelmosterd is ook heerlik saam met die skyfies varkboud.

Opdieningswenke:

Polenta of aartappels in enige vorm is heerlik by die boud. Sit ook voor met ‘n helderkleurige verskeidenheid groente.

Koue skywe varkboud is veral heerlik saam met mosterd, blatjang of “chilli jam” op toebroodjies die volgende dag.

Om die aantal porsies uit ‘n varkboud maklik te bereken, werk op 220g rou vleis per persoon.

Dis altyd ‘n goeie idee om jou varkboud vooraf by jou slagter te bestel. Vra spesiaal vir ‘n boud van ‘n kleinerige varkie, dan sal jy verseker wees dat die boudjie ‘n mooi “ronde” vorm het. As daar nie ‘n kleinerige varkboud beskikbaar is nie, gebruik ‘n deel van ‘n groter varkboud, maar vra jou slagter om dit vir jou te ontbeen en vas te bind vir ‘n netjiese vorm.

Heiner Lange
Foto Zelda Fouche