Klits die eierwitte styf en vou in die besag in. Skep die beslag in ‘n verhitte gesmeerde wafelpan, maak gelyk, moenie teveel beslag in sit nie, die beslag borrel maklik uit. Bak die wafels tot goudbruin.
Sit voor soos verkies met gerasperde kaas of met stroop.
VARIASIE
Sit 125 ml gerasperde kaas, bietjie gerasperde ui en 5 ml droë pietersielie by jou beslag, dan het jy ‘n heerlike ligte ete.
Resep geplaas deur Rina Kleinhans
Foto: Elizabeth Haupt
BASIESE WAFELS
2 x 60 g eiers, geskei
2 teelepels suiker
¾ koppie melk
½ koppie water
1 teelepel vanilla
¼ teelepel sout
2 koppies (300 g) bruismeel
2 eetlepels maizena
80 g gesmelte botter of margarien
Klits eiergele en suiker saam, voeg melk, vanilla en water by.
Sif droë bestanddele saam, voeg eiermengsel en botter by.
Klits.
Vou styfgeklitste eierwitte in.
Laat staan 10 minute en gebruik ½ koppie deeg per wafel.
Resep geplaas deur Adèle Van Zyl Filmalter
Foto: Stien Rust
WAFELS
(omtrent 8 wafels)
2 koppies koekmeel
4 teelepels bakpoeier
2 eiers
1 ¾ koppie melk
4 eetlepels gesmelte botter
Knippie sout
Skei die eiers
Klits die eiergele en melk saam.
Roer al die droe bestanddele by die gesmelte botter.
Klits die eierwitte styf.
Voeg die eierwitte by die mengsel.
Bak die wafels.
WAFELSTROOP (dit vries goed)
(Maak net die helfte vir jou huis se gebruik)
8 ½ koppies water
3 ½ koppies suiker
62 ½ g vlapoeier
25 ml vanilla essens
125 g gouestroop
¼ teelepel sout
125 g margarien
Meng alle behalwe 1 koppie water en vla.
Kook saam.
Meng vla en koppie water.
Sodra die mengsel begin kook, voeg vlamengsel by en verdik die sous.
Dit vries goed.
Opdiening: Maak wafelstroop warm.
Plaas die wafel in die stroop.
Wanneer wafel goed stroop “getrek” het, haal uit.
Dien op met vars room of roomys
(My ma se resep)
Foto en resep geplaas deur Charne de Jager