YOLANDI SE LEKKER KNOFFELBROOD

Nou wil ek ‘n resep met julle deel, dis die lekkerste garlic broodjie wat jul ooit aan jul lippe sal kan sit.
Ek kry die resep by my pa, het hom nou al seker 2 jaar en almal eet hul vingers af vir dit.

Vat 6 – 10 lang buns (net hoeveel jy wil maak en hoeveel gaste jul gaan hê, maar glo my maak baie).
Sny dit in so 5 – 7 cm, dan pak jy dit in ‘n pan mooi styf teen mekaar, maar die  binnekant moet boontoe wys.
Dan meng jy ‘n koppie mayonnaise en ‘n koppie gerasperde kaas in ‘n bak dit moenie te loperig wees nie en ook nie te droog nie. (julle sal sien as jul dit meng) so meet met die oog.
Meng dan knoffel saam met dit so 3 – 4 eetlepels vol.
Smeer dit oor al die buns in die pan lekker dik tot alles bedek is.
Sprinkel paprika oor, lekker baie.
Sprinkel weer gerasperde kaas bo-oor .
Bak in die oond op 180 ºC tot bruin.

Dis baie lekker saam ‘n braai of ‘n voorgereg.

Resep: Yolandi van den Heever
Foto: Corne Marais

HEERLIKE VULSELS VIR PANNEKOEK
SEEKOS VULSEL
50 g (50 ml) margarien
250 ml gerasperde cheddarkaas
50 g (100 ml) koekmeel
1 blikkie tuna, gedreineer
500 ml melk
1 blikkie snoepgarnale
Sout en peper

Maak witsous van margarien, koekmeel, melk en sout, voeg die res van die bestanddele by en meng goed.
A. gebruik as vulsel vir stapelpannekoeke
B. gebruik as vulsel vir pannekoek, rol op, gooi 250ml room bo-oor asook gerasperde kaas, pietersielie en paprika. Bak in warm oond tot ligbruin gerooster.

SPEKVULSEL VIR PANNEKOEK
2 groot uie, fyngekap 
1 pakkie gekapte spek – Braai in bietjie olie tot gaar
1 gekapte soetrissie 
½ koppie dik witsous
½ koppie grof gerasperde cheddarkaas
Geur na smaak

Voeg al die bestanddele bymekaar en gebruik vir stapelpannekoeke asook vir vulsels vir gewone pannekoek.

SNOEKVULSEL VIR PANNEKOEK
400 g gevlokte snoek
1 blikkie perskeskywe in stukkies gesny (nie sous nie)
125 ml gerasperde kaas
15 ml suurlemoensap
15 ml gekapte pietersielie
1 koppie dik witsous
Sout en peper na smaak

Meng alles saam. Moenie te loperig wees nie. Garneer bo-op met suurlemoenskyfie en pietersielie.
Resepte geplaas deur Lorraine Weits Brand

Jeanene Kriel  –
1. Tuna met green peppers, uie, mayonnaise en bietjie kondensmelk
2. biltong en feta
3. maalvleis met kaas sous,
4. aspersies en bacon met kaas sous

Yvonne Van Der Linde – 
Ons was by ‘n troue met ‘n voorgereg wat goedkoop was en heerlik. Die dame het gewone hotdog broodrolle in ringe gesny en met olyfolie gesmeer en liggies gerooster op ‘n bakplaat. In klein bordjie het sy blaarslaai (min) gesit. 2 skyfies brood gesit met ‘n klein gehalveerde tamatie. Op broodjie was die volgende vulsel dun gesmeer:
fyngerasperde kaas en uie met Mayonnaise gemeng.
Heerlik

SCOTCH EGG TAGLIATELLE STARTER
Serves 4
250 g chicken mince
250 g lean beef mince
2 teaspoons finely grated onion
1½  teaspoon salt
1 teaspoon ground white pepper
1 teaspoon fresh ginger paste
½  teaspoon nutmeg
½  teaspoon thyme
½  teaspoon cayenne pepper
4 medium-boiled eggs, peeled
1 egg, beaten
1 small packet Simba Tomato sauce chips finely crushed

oil for deep frying
Fill oil in pan to cover half the height of eggs.
Combine all ingredients for meat, mix well and flatten to about 5 mm thick. Divide the mixture into four equal parts. Mould each part around one of the medium-cooked eggs, rolling between your hands to shape.( wet hands prevent meat from sticking)
Place the beaten egg and chips into separate dishes. Dip the balls into the egg, then roll in the chip crumbs until coated.

Heat the oil in a large saucepan or deep fryer 180º C, or until a cube of bread dropped into the oil turns brown in 1 minute. Lower the eggs carefully into the hot oil. Fry for 4 minutes on a side, or until golden brown.

Serve with tagliatelle and Ina Paarman’s Roasted Pepper Pasta sauce.

Recipe and photo: Elize de Kock

GEVULDE AARTAPPELS

Op die eerste foto is die uie, aartappels en ham, sny die aartappels soos op die prentjie,  sit ‘n skyfie ui en ham in elke gleuf, sit bietjie sout oor en bak in die oond, sodra die aartappels sag is, gooi gerasperde kaas oor en bak tot kaas gesmelt. Dit is hoe ek dit verstaan, hoop dit kom lekker
n/s ek is seker mens kan ook knoffel of net waarvan jy hou hier by sit

DEEGSKULPE
1 ½ koppie koekmeel
½ koppie Maizena
3 eetlepels growwe mieliemeel
1 teelepel bakpoeier
1 teelepel uiesout
1 teelepel fondor
1 teelepel sout
3 eetlepels botter
½ koppie water

Sif droë bestanddele.
Frummel botter in.
Meng met water tot stywe deeg.
Maak balletjies en rol papierdun uit. (nie te groot nie)
Gooi in warm olie.
Druk steel van houtlepel in middel en bak tot gaar.
Die deeg sal om die houtlepel “skulp”.
Dreineer op bakpapier. Bedien vis of iets dergeliks op dit as voorgereg.

Geniet dit………xxxx

Foto en resep:  Heather Strumpher

PLAAS TERRIEN

Bedien saam met heel konfyt, melba brood of beskuitjies.
Genoeg as voorgereg vir 25 mense.
500 g streepspek
500 g varkmaalvleis
300 g beesmaalvleis
250 g gerookte varkspek – in dikkerige repe
1 kg hoenderlewers gemaal saam met ui – 750 g gemaal en 250 g heel
2 ontbeende ontvelde hoenderborsies in repe
3 snye brood, gekrummel
1 ui, gekap en gemaal saam met hoenderlewers
4 eetlepels botter, gesmelt
4 knoffelhuisies, gekap
1 teelepel gerasperde neutmuskaat
½ teelepel fyn naeltjies
gekapte tiemie
4 groot eiers
sout en peper
pistasio neute, opsioneel
3 eetlepels brandewyn
3 eetlepels port

Voer groot broodpan uit met spek.
Maal 750 g hoenderlewers saam ui en knoffel.
Meng vark, bees en hoenderlewer maalvleis.
Geur met sout en peper, naeltjies, neut en tiemie.
Voeg broodkrummels, botter en eiers by.
Pak ander bestanddele in lae in uitgevoerde pan.
Maak toe met foelie en bak in waterbad vir plus minus 1½ uur by 180°C.
Gooi water wat gevorm is af.
Pars oornag en plaas in yskas.
Sny in skywe.

VARIASIE – EEND

Foto 1: Hierdie is maar basies soos ek die plaas terrine maak. Ek het net gerookte spek buite omgesit en die hoenderlewers met eend en die hoenderborsies met eendborsies vervang.
Foto 2: Hierdie keer het ek skaap tongetjies in die middel gesit wat Tereza vir my van die Karoo afgebring het.
Kook die skaaptongetjies in water met speserye en kruie na smaak, trek die velletjies af wanneer gaar en gebruik.
Foto’s:  Martie Fourie Moolman

HEERLIKE ROULADE
45 ml botter
60 ml koekmeel
250ml warm melk
125 ml gerasperde cheddarkaas
3 eiers, geskei

Voorverhit die oond tot 200 °C. Smeer ‘n vel bakpapier met botter of olie en gebruik dit om ‘n middelslag-rolkoekpan mee uit te voer sodat die kante van die papier bo die rande van die pan uitstaan.
Smelt die botter in ‘n kastrol en voeg die koekmeel by. Verhit, terwyl jy roer, tot die mengsel borrel. Voeg die melk geleidelik by en hou aan roer tot die mengsel glad is en begin kook.
Verwyder van die hitte en roer die kaas en eiergele by. Klits die eierwitte tot stywe punte vorm. Vou ‘n groot lepel eierwit by die kaassous in om die mengsel ligter te maak. Vou nou die res van die eierwit versigtig in tot net deurgewerk. Skep die mengsel in die voorbereide pan en smeer gelyk. Bak vir 12-15 minute tot opgepof en goudbruin. Haal uit die oond en keer die rollade uit op ‘n skoon teedoek. Trek die bakpapier versigtig af en laat effens afkoel.
Smeer jou eie souterige vulsel of vulsel van jou keuse op en rol versigtig op

Resep: Maria Liebenberg

DALENE SE TUNAMOUSSE
3 x 170 g tuna in olie
6 eetlepels mayonnaise
1 klein ui, in kwarte gesny
droë vinkel na smaak, opsioneel
1 eetlepel bruinsuiker
1 eetlepel tamatiesous
1 ½ eetlepel asyn
1 ½ pakkies gelatien
2/3 koppie warm water
2/3 koppie koue water
sout en varsgemaalde swartpeper na smaak

In ‘n voedselverwerker, meng die tuna, mayonnaise, ui, vinkel, bruinsuiker, tamatiesous en asyn saam.
Los die gelatien in die koue water op en roer die kookwater by. Roer dit by die mengsel in die voedselverwerker en voeg sout en peper by, meng weer vinnig deur.
Giet die mengsel in ‘n visvorm en plaas in die yskas tot gestol.
Bedien met soutbeskuitjies, dis ‘n groot gunsteling.
Resep:  Dalene Brits

MAASKAASROL OF TRUFFELS
FOOD LOVERS RECIPES
Bedien saam met enige soutbeskuitjies of Bruchetta.
250 g roomkaas ongegeurd – “Cottage”
250 g roomkaas “savory”
1 koppie fyn gerasperde Cheddarkaas
1 pakkie spek, gaargemaak en fyngekap
250 g harde Rama margarien
fyn biltong of sesamesaad

Meng die bestanddele tot voor die Rama saam. Smelt die Rama en meng dit saam met die eerste mengsel. Plaas die mengsel in die yskas tot gestol.
Rol teelepelsvol in truffels of rol in ‘n lang rolletjie, net soos verkies.
Rol die truffels of rolletjie in biltong of sesamesaad voor opdiening.