BACON KIPS EN ROOMKAAS BAL
1 houer maaskaas
200 g bacon kips gekrummel (hou 2 eetlepels uit vir rol)
3 eetlepels mayonnaise
2 eetlepels toebroodjie smeer (sandwich spread)

Meng alles saam. Rol in bal en rol in 2 eetlepels krummels en pietersielie gemeng.
Bedien saam met sout beskuitjies.
Resep geplaas deur: Hanna -Mari van den Heever

FRIKKIE SE KAASBALLETJIES
250 g botter by kamertemperatuur
375 g Blauwkranz kaas, fyngedruk (ek gebruik net die helfte hiervan)
500 g Cheddar, gerasper
650 g Roomkaas by kamertemperatuur
250 ml dik room of minder
25 ml sjerrie opsioneel
sout en peper na smaak
1 teelepel mosterd -nat
‘n paar druppels tabasco

Verwerk alles in voelselverwerker tot glad. Verkoel.
Rol balletjies en rol in fyn bacon kips, fyn biltong of gekapte kruie of sommer ‘n mengsel van alles.
Resep:  Frikkie Jones

BILTONG BALLETJIES MET EIER
Resep en foto:  Charlotte van Rensburg
FOOD LOVERS RECIPES
227 g roomkaas
3 hardgekookte eiergele
3-4 eetlepels fyn biltong

Klits eiergele en kaas goed saam.
Maak klein balletjies en rol in fyn biltong. Bere in yskas.

AIRFRYER GRONDBOONTJIES EN ROSYNE
Rooster 1 kilogram grondbone wat liggies geolie is 6 minute lank in die airfryer teen 200°C. Sprinkel sout oor en meng. Rooster vir nog 6 minute.
Rooster dan ½ kilogram soos hierbo, maar slegs vir 3 minute elk.
½ kg rou grondbone in mengsel
½ kg rosyne
Meng alles saam en voeg sout by na smaak.
Jy kan ander spesery ook na smaak gebruik.
Foto: Aubrey Winter

VOëLTJIEBEKKIES
Resep geplaas deur Francis Schoeman
FOOD LOVERS RECIPES
240 g koekmeel
12.5 ml bakpoeier
12.5 ml suiker
5 ml sout
90 g margarien
1 ekstra groot eier
125 ml melk
1 houertjie vissmeer
olie vir diepbraai

Meng koekmeel, bakpoeier, suiker en sout saam in mengbak. Vryf die magarien met jou vingerpunte in tot die mengsel soos broodkrummels lyk.
Klits die eier en melk saam en voeg net genoeg by die meelmengsel om ‘n stywerige deeg te vorm. Meng baie liggies met ‘n slaplemmes.
Plaas deeg op meelbedstrooide oppervlak en rol liggies 5 -7 ml dik uit. Sny in vierkante van 6 x 6 cm. Smeer ‘n bietjie vissmeer op elke vierkant en vou toe om ‘n driehoek te vorm. Druk kante vas met ‘n vurk.
Vehit genoeg olie in ‘n kastrol vir diepvetbraai. Braai die driehoekies tot bruin van buite en gaar van binne. (Die olie moenie te warm wees nie, anders sal die driehoekies buite om te bruin word voordat hulle gaar is.)
Dien warm of koud op as versnappering of saam met ontbyt. Lewer ongeveer 15 -20.

KERRIEVIS KOEKIES
1 blik vis in tamatie
½ ui, gerasper
2 knoffelhuisies, fyngedruk
1 ml gemmer
1 ml borrie
1 ml paprika
1 ml fyn koljander
1 ml brandrissiepoeier
2 ml masala, ek gebruik kerrie
sout en peper na smaak
1 sny brood, korsies af en geweek in melk
1 eier, geklits
125 ml koekmeel
3 ml bakpoeier

Dreineer vis effe, ek hou bietjie sous om op gaar viskoekie te skep. Meng alles.
Vorm koekies, rol in meel, laat rus in yskas en bak in olie. Ek bak myne in kolwyntjiepan, geen olie nodig nie.
Nota:  Bak in elektriese kolwyntjiepannetjie tot geset of in oond @180°C tot gaar.
Resep en foto’s: Frieda Greyling

KERRIEGROENTE EN AARTAPPEL POFFERS
2 aartappels, geskil en gerasper
½ blik kerriegroente
½ koppie bruismeel
1 ml sout
2 ml kerrie
olie vir diepbraai

Rasper aartappels grof en meng al die bestanddele.
Verhit olie, maar nie te warm nie.
Skep teelepelsvol en bak tot goudbruin.
WENK: perfekte peuselhappie
Foto: Frieda Greyling

LEKKER BOERE SUSHI
Lekker boere sushi vir die kosblik.
1 sny brood, platgerol en korsies afgesny en botter gesmeer.
¼ van snytjie in lengte, Bovril gesmeer
¼ met smeerkaas gesmeer
Het sommer bietjie ertjies fyngedruk en bietjie mayonnaise ingeroer en gesmeer op res van sny.
Worsie op die sny gesit en dit opgerol en rol in wiele gesny.
Dit is njammies lekker! Sommer net weer lus gewees vir speel.
Resep geplaas deur Roni Van Der Walt
Foto © Roni Van Der Walt

SAUSAGE STUFFED FRENCH TOAST
Heerlike snack vir die krieket!
10 slices soft white bread (remove crusts and roll flat with a rolling pin)
10 cooked sausages (I used brown sugar and honey flavored sausages, you can flavour your own)
3 eggs
½ cup milk
3 tablespoons sugar
½ tsp cinnamon
1 tsp vanilla
1 tablespoon flour

Lay one sausage on the edge of each bread slice and roll up tightly.
Heat skillet with some butter on medium heat.
In a square dish, whisk eggs, milk, sugar, cinnamon, vanilla, and flour.
Dip each roll-up into the egg completely and fry in butter until golden on all sides.
Serve with syrup.
Recipe posted by Amanda Conradie

GEBAKTE CAMEMBERT
Ek dog ek sal my gebakte Camembert met julle deel. Dit is ALTYD lekker as mens mense het wat oorkom. Amper soos ‘n vinnige kaas fondue. So maklik en vinnig.
Bolangse blatjang mengsel:
2 eetlepels blatjang
1 hand vol okkerneute
gedroogte bosbessies of rosyne, opsioneel
skilferkorsdeeg
Ek gebruik my eie blatjang, maar enige soet blatjang sal doen.
Kap ‘n die okkerneute op en meng die blatjang daarby.
Meng die gedroogte bosbessies of rosyne kan ook by as jy so verkies.
Pak die bolaag bo-op die camembert kaas soos op die foto.
Koop klaar gemaakte skilferkorsdeeg en maak seker die hele kaas is bedek met die deeg.
Smeer met geklitste eier, plaas op ‘n oondplaat en bak vir 20 -25 minute op 160ºC.
Om te bedien:   Ek sit dit in ‘n bord wat ‘n bietjie van ‘n randjie het sodat die kaas kan uitloop.
Party mense doop sommer beskuitjies of brood stokkies bo in of jy kan dit sny met ‘n mes en begin van die een kant af eet.

Resep en foto: Kyle Jansen

JACK’S CAKE (RICH MAN’S CAKE) HEERLIK!
Ek het hierdie resep omtrent 20 jr gelede by ‘n kollega van my se vrou (Fiona Vergers) gekry en dit nog net eenkeer gemaak. Dit was HEERLIK. En lyk baie indrukwekkend.
Het ongelukkig destyds nie foto geneem nie maar wil dit tog weer hierdie jaar maak. Sal dan foto neem en kom wys. Ek het gaan google om te sien of ek iets soortelyks kry, maar sien nerens iets nie.
Dit is so lekker – toe ek vanoggend deur ‘n ou resepteboek lees en op dit afkom toe weet ek ek kan nie so ‘n eiesoortige resep vir myself hou nie.

1 pakkie Dixie of Salticrax beskuitjie – fyngedruk en meng met 125 g gesmelte botter
2 houertjies full cream cottage cheese, gemeng met 1 eetlepel gerasperde uie, sout en peper
2 blikkies pink salm (verwyder vel en grate – tuna kan ook gebruik word, maar ek verkies die salm), fyngemaak en gemeng met:
1 eetlepel tamatiesous
1 eetlepel mayonnaise
1 hoogvol eetlepel gekapte agurkies
sout en peper
(as jy tuna sou gebruik, voeg klein bietjie ekstra tamatiesous, mayonnaise en knippie gemmer by)

Gebruik koekpan met los kante.
Pak laag beskuitjies. Smeer maaskaas op. Sit salm bo-op (of tuna mengsel).
Voor jy opdien, meng die volgende en smeer op die mengsel:
1 groot of 2-3 klein avokado’s
sout en peper
suurlemoensap

Kook 2-3 hardgekookte eiers (druk fyn) en strooi bo-oor avokados.
Sprinkel (verkieslik swart) kaviaar bo-oor.
Plaas in yskas vir ‘n ruk. Wanneer gestol, maak kante van koekpan los.
Bedien met vars keuse van brode en goeie bottel wyn.
Geniet!
Foto en resep: Lorraine Weitz Brand