_
KITSVETKOEKIES

Kitsvetkoekies gebak – verlang na Moeder en omgeetye…
2 kop koekmeel
2 t bakpoeier
1/2 t sout
3t margarien
1 kop melk
2 eiers
Sif droë bestanddele saam, klits eiers en melk saam.
Vryf margarien in meelmengsel, maak aan met melkmengsel.
Skep lepelsvol in warm olie en bak tot gaar.
Bedien met kaas of stroop.

Bron: Drinie Conradie

RINIE SE LEKKER VETKOEK
Vroulief het vanaand vir ons vetkoek gebak en voorgesit saam met gister se bobotie en was uit die boeke lekker!
Vetkoek:
5 koppies koekmeel
400 ml lou water
1 teelepel sout
2 eetlepels suiker
2 eetlepels olie
1 sakkie gis (10 g)
olie vir diep braai

Sif alle droë bestanddele en voeg die olie by die water. Meng dan die water, olie en meel tot ‘n elastiese sagte deeg.
Maak lang worse en druk effens plat en sny in stukke van ±50 x 70 mm, laat rys tot dubbel die grote en diep braai in die olie tot mooi bruin en gaar.
Maak ‘n sny in die vetkoek en vul met bobotie en siedaar nog ‘n heerlikheid !!
BRON:  Gideon Louw

MA ANNA SE BAKPOEIER VETKOEK
6 koppies snowflake koekmeel
6 teeleppels bakpoeier
1 teelepel sout
2 en n half tot 3 koppies koue water.
Olie vir diep braai.
Meng meel, bakpoeier en sout saam en sif.
Maak holte in meel en gooi water by en meng goed tot deeg vorm. Sit op bestrooide oppervlakte en knie deeg vir so 5 min tot elasties en glad.
Sit deeg in bak en laat rus vir so n half uur.
Maak olie warm in pot om te kan diep braai.
Vorm ballietjie deeg druk plat tussen vingers en sit in warm olie, braai tot ligbruin aan een kant en draai om en braai anderkant ook bruin. Haal uit en dreineer op kombuis papier. Sit voor saam kaas en stroop, Kerrie maalvleis of sop.
BRON – Thomas En Brigitte Marx

CHRISTINE SE KERKVETKOEK
Resep: Christine Scheepers
Ek het ‘n resep wat al jare saam my kom, het altyd vir kerk gebak, hang af vir hoeveel mense jy wil bak, dan maak jy dit met meer bestanddele.
1 kg koekmeelblom
1 pakkie kitsgis
1 t sout
½ teelepel suiker
1 eier vir nog lekker smaak
1 koppie louwarm water,  gebruik water soos wat jy knie

As die deeg nie meer aan jou hande vasit nie en dis goed geknie, maak toe moet vadoek of groot linnedoek en sit dit op warm plek.
Wanneer uitgerys is, maak bolletjies.
Sodra olie warm is, vat die 1 ste een wat jy neergesit het en trek hom dat jy vier kant maak, nie te veel trek.
Sit in warm olie, bak albei kante mooi bruin en haal uit,
Ek kry omtrent 10 normale groote vetkoeke uit.

JOHAN SE VETKOEK IN SKAAPVET
Goeiemôre ek het nou egte vetkoek in sagte skaapvet gebak en as jy dit nog nie geëet het nie, het jy nog nie vetkoek geëet nie. Daar is nie ‘n vergelyking te tref met die en die olie gebakte koeke nie, die smaak verskil is net te groot.
4 koppies meel koek of broodmeel
½ pakkie kitsgis
1 eetlepel bruin suiker
2 eetlepels poeiermelk
¾ teelepel sout en ‘n knippie gemmerpoeier
4 eetlepels botter
2 koppies louwarm water

Meng alles goed saam en en knie tot ‘n elastiese deeg laat rys op ‘n warm plek dubbeld die grootte.
Knie af en bak die vetkoek in warm vet, ek het so 1 cm diep vet gebruik.
Ek gebruik dieselfde resep om brood mee te bak.
Die deeg moet net die pan vol rys en word dan teen 180°C in voorafverhitte oond vir 30 – 40 min gebak.
Ek het sommer ‘n broodjie ook gebak het, net 1 koppie meel en bietjie ekstra water vir die 4 vetkoeke bygesit.
Bron en foto: Johan Coetzee

LIZAAN SE VETKOEK

1 kg meel
1 pakkie gis
1 e sout
1 e suiker
90 ml smeer
1 t suurlemoensap
550 ml sterk louwarm water

Voeg alle bestanddele in bak. Voeg water by en knie baie goed (tot jou hande en bak skoon is)
Laat rys deeg
Knie af en maak koeke
Laat rys weer so effe
Bak in warm olie.

Resep: Lizaan Ras le Roux

VETKOEK SONDER GIS
Warm water vetkoeke
Bestandele: vir 24 vetkoeke – halveer vir 12.
2 Koppies (500ml ongesif afgemeet) Koekmeelblom
2 Eetlepels suiker (nie opgehoop)
2 teelepels bakpoeier
Knypie sout
2 Eiers
1 koppie warm water
Kookolie vir vlak braai
Sif die koekmeelblom, suiker, bakpoeier en sout saam. Klits die eiers in ‘n aparte mengbak. Klits die warm water by die eiers: klits goed. Voeg die eiermengsel by die meelmengsel en klop met ‘n houtlepel tot goed gemeng; die beslag is slap.
Skep dessertlepels vol beslag in matig warm kookolie in ‘n braaipan. Braai die vetkoek totdat die onderkant goudbruin en die bokant vol lugborrels is. Draai om sodat die bokant ook goudbruin kan braai. Plaas die Vetkoek op kombuispapier sodat alle oortollige olie daarin kan dreineer. Sit die Vetkoek warm voor met botter en heuning of appelkooskonfyt óf met maalvleis
Bron: Petra Nel
Foto: Adam Cloete

GILLIAN SE MAKLIKE VETKOEK
1 pakkie self raising flour (500g)
1 koppie amazi
Bietjie sout
ongeveer Kwart koppie of minder olie

Meng alles saam
Breek in Palm grootte. Rol plat uit
Sit genoeg olie in ‘n pot op die stoof dat vetkoek kan dryf, maak warm.  Toets met klein stukkie deeg, as jy dit in die olie gooi moet dit dadelik opkom. Moenie die olie te warm of koud maak nie.
Plaas in olie – blaas op in olie as jy afbak…. bak tot mooi bruin en gaar

Foto en resep: Gillian Bird

ELIZABETH SE HAMBURGER VETKOEK

Lui Vrydagaand kossies! Patties vooraf klaar gaar gemaak. Ek het sommer winkeldeeg gekoop.
Vulsel:
genoeg kaas
gesnyde tamatie
blaarslaai
sous van jou keuse

Alles in deeg gepak en toe gebraai in diep olie.
Dit het nogal wonderlik uitgekom, ek sal dit weer doen.
Dien op met tjips.

BRON EN FOTO: Elizabeth Haupt

BETSIE SE SWEETCORN VETKOEKIES
Resep en foto: Betsie Ferreira
FOOD LOVERS RECIPES
2 geklitste eiers
125 ml melk
60 ml fyngekapte pietersielie
500 ml bruismeel
1 teelepel bakpoeier
sout en peper na smaak
1 blik sweetcorn
1 blik pitmielies
Olie om in te bak

Meng nat bestanddele, voeg dit by droë bestanddele saam met die sweetcorn en pitmielies (water afgegooi)meng goed en whala bak soos vetkoek….glo jy kan dit seker in muffinpan ook bak…lekker eet