PEGGY SE HEERLIKE VETKOEK
5 k meel
10 g suurdeeg (groen kits)
6 t suiker
2 t sout
+- 700 ml lou water
Meng en knie baie goed. Smeer bietjie olie of botter bo-oor. Maak goed toe en laat rys. Knie deeg af. Bak vetkoeke in olie tot gaar.
Baie lekker!!! My man hom nie van gekoopte winkel deeg.

RESEP: PEGGY DEVINE

HUIBRECHT SE SKUINSKOEK
1,5 kg koekmeel
2½ pakkies kitsgis
1 teelepel sout
½ teelepel fyn kaneel
½ teelepel fyn gemmer
3 koppie suiker
250 g vet of margarien
1 teelepel asyn
2 eetlepel anys
½ koppie baie warm water
± 4½ koppies water
Meng die meel, gis, sout, kaneel, gemmer en suiker.
Vryf die margarine in die meelmengsel.
Voeg die asyn, anys en warm water by, meng en laat afkoel.
Voeg nog water geleidelik by en knie tot ‘n slap deeg.
Laat staan om te rys.
Knie af en maak deegrolle op die tafelblad.
Druk plat en sny diagonaal in skuinskoek
Laat dit rys.
Bak in warm vet of olie tot dit gaar is.
Die een is van Sarie se web dis nie getoets maar klink lekker
Geplaas deur Elsabe Redelinghuys

SKUINSKOEK
10 pond koekmeel
1 pond margarien
1 eetlepel pypkaneel of ‘n gerasperde neut
1 eetlepel sout
3 pond suiker
3 eetlepel anys
Die vorige aand:
Smelt margarien,suiker en 6 koppies water.Laat afkoel,voeg ander bestanddele by en knie met aartappelsuurdeeg vir 1 uur.(Ek dink 4 pakkies suurdeeg sal die ding doen)
Die volgende oggend:
Rol deeg 1/4 duim dik uit en sny in repe. Sny die repe in diamant patroon. Bak in warm olie.
Die skuinkoek vries lekker en kan in die mikrogolf warm gemaak word soos benodig. Dan is hy net so vars.
GEPLAAS DEUR David Vd Heever
Uit “Gee ons vandag…”.`n Resepteboekie wat Pofadder se Vrouediens uitgee.

KOOKWATER VETKOEK

Resep:  Petra Pretorius

Foto: Ronel Muller Thoma
2 koppies koekmeel
25 ml suiker
10 ml bakpoeier
2 ml sout
2 eiers
250 ml kookwater, nie kokend net sterk warm
olie vir vlakbraai

Sif droë bestanddele saam. Klits eiers en kookwater saam. (klits die hele tyd en gooi die water baie stadig by terwyl jy klits anders gaan die eiers gaar word 🙂  (mens kan ook die water by die meel mengsel sit en dan die geklitste eier bysit, dit werk net so goed.)
Meng eiermengsel met meelmengsel. Skep lepelsvol in warm, vlak olie en braai tot goudbruin. Dreineer op kombuispapier.

Nota Fanie Smit:
As jy baie van vetkoek hou, voeg bietjie suiker en anys by beslag en bak. Dit is nou baie lekker en my gunsteling.

Ronel Muller Thoma:
Hello Rina het vanaand die KOOKWATER VETKOEKE gemaak. Het anys bygevoeg en 1 eetlepel suiker ekstra. Is heerlik en vinnig.

PETRA SE ONFEILBARE VETKOEK
6 koppies meel – koekmeel, broodmeel, fyn of wholewheat
1 eetlepel sout
1 eetlepel suiker
1 eetlepel botter
1 pakkie droë kitsgis
Sif die meel.
Meng meel, sout, suiker, gis en botter saam.
Meng stadig louwarm water in, meng en knie.
Net genoeg water om deeg te maak, omtrent 1 liter.
Laat iemand anders die water ingooi terwyl jy meng.
Voor jy begin knie smeer jou hande olie.
Knie goed vir 10 minute.
Maak die bol deeg in ‘n bal en smeer die hele bal met olie
Sit deeg in ‘n bak.
Draai die bak toe in n kombers.
Sit in ‘n warm kamer om te rys vir 1 – 2 ure.
Strooi meel op ‘n tafel.
Haal bolletjies deeg af van die groot bol.
Druk plat en pak op die tafel met meel.
Laat dit so 30 minute tot 1 uur staan om weer te rys.
Maak olie warm in ‘n diep pot.
Stoofplaat net 1 stelling kouer as warmste wees.
Laat olie goed warm word voor jy die vetkoek insit.
As die olie ophou borrel, draai die vetkoek om.

Bron:  PETRA PRETORIUS

STAP VIR STAP VETKOEK
TE LEKKER EN ERGE MAKLIK
1 kg koekmeel
1 pakkie kits gis
so 1 liter lou water jou pols moet nie brand nie
anders brand die yeast dood
sout na smaak ek sit so 3 gelyke teelepel se sout in dan het dit nie daai vars smaak nie.
botter om mee te knie .. o ja so shooterglasie met kookolie innie water.
Reg nou plaas jy die meel in ‘n mengbak en meng die sout in die meel in, maak gat in die middel en sprinkel die gis daarin.
Mengdie olie in die water in en roer, giet ongeveer ¾ van die water in die middel van die meel oor die gis en roer met houtlepel tot deeg amper alles nat is.
Daar moet nog droogheid wees, as te veel meel nog droog is sit nog bietjie water by maar nie te veel nie.
Maak die lepel skoon in die deeg en smeer nou so teelepel botter aan jou hande en begin knie. Al is dit sticky haal die deeg van jou vingers af
en was jou hande nou skoon, droog goed af. Smeer weer botter en knie verder jy moet die droë meel lekker inmeng.
Jy weet mos van knie of hoe? Knie nou voort met bietjie botter op ‘n slag tot die deeg nie meer aan jou hande vassit nie, en die deeg moet lekker slap wees, glad nie styf nie. Sit die deeg in ‘n bak waarin dit kan rys tot so dubbel die hoeveelheid.
Ek vat altyd ‘n skoon nuwe binbag en sit die bak met deeg daarin . Los op lekker warm plek vir so 30 tot 40 minute om te rys.
Jy sal sommer sien die deeg is dubbel en lekker gerys. soms sit ek dit so in die son onder die boomblare, dan rys dit ook lekker, nie direkte son nie dan brand die gis.
Na dit gerys het dan knie jy dit weer af met so 2 teelepels botter en maak bolletjies. Ek maak sommer die deeg soos beskuit bolletjies dan is almal ewe groot.
Sny jou sak oop en sit dit op ‘n tafel of blad vou oop en smeer die binnekant met bietjie olie sit die bolletjies daarop neer en los so 2o minute om te rys, maar vou die anner helfte van die sak oor terwyl dit nou so rys. Na so 10 minute sit jou pot olie op die stoof, maar dit moet nuwe olie wees
anners proe die vetkoek na die kos wat eers daarin gemaak is. Teen die tyd dat die olie warm is dan begin bak jy by die eerste bolletjies wat jy gemaak het.
Druk die bolletjies effens plat met jou hand, nie “flat”nie, eish net liggies plat.
Sit in die warm olie en bak dit en sit die eerste half minuut die deksel op, dan pof dit goed. Draai dit om en bak lekker as jy toothpick insteek en kom skoon uit is dit gaar.
Dit gaan redelik gou geniet

Plasing: Rolene van Loggerenberg

DIE NEL-FAMILIE SE OORSPRONKLKE SKUINSKOEK RESEP
Plasing: Lidia Theron
Foto: Elba Groenewald
FOOD LOVERS RECIPES
2.5 kg koekmeel (gewone koekmeel, nie bruismeel)
3 pakkies Anchor yeast (droë gis)
4 koppies suiker in louwarm water opgelos
250 g botter gesmelt
1 desertlepel sout (12.5 ml)
2 desertlepels anys (25 ml)

Plaas 2,5 kg meel in ‘n groot mengbak.
Voeg die anys, sout en gis by.
Neem jou suiker en los dit op in die water. BELANGRIK: roer hom in ‘n waterstroop.
Vat die gesmelte botter, giet oor die droë bestanddele en werk dit deur met jou vingerpunte.
Hou ‘n koppie louwarm water byderhand. Nou vat jy die suikerwater, voeg dit bietjie-bietjie by en knie soos wat jy dit byvoeg.
Wanneer jy klaar is hiermee, voeg die ekstra koppie water bietjie-bietjie by en hou aan met knie totdat jou deeg ‘n sagte deeg vorm.
Jy weet wanneer jy reg geknie het wanneer die deeg nie meer aan jou hande vassit nie.
Net ‘n wenk: BAIE GEDULD nodig wanneer jy knie, want dit gaan maak of jou skuinskoek perfek uitkom, of nie.
Neem ‘n ou tafeldoek en klein kombers, smeer met ‘n verfkwas 2 eetlepels gesmelte botter bo-oor jou kniesel en seël nou jou bak met plastiek.
Maak WARM toe met die tafeldoek en kombers. En los die bak vir 4 ure. Jou deeg is reg wanneer hy dubbel gerys het en moontlik uit jou bak klim.
Smeer jou werkoppervlak met botter. Dop jou bak daarop om. Nou druk jy die deeg plat met jou hande. (so, 25 cm dik). Sny dit in lang strips. En nou sny jy die strips diagonaal in snitte van 3 tot 3,5 cm.
2 liter kookolie moet byderhand wees
Neem ‘n lekker ou kastrol en sit ongeveer ‘n liter olie in kastrol.
Maak seker die olie is lekker warm. Nou bak jy die snysels tot hulle mooi goudbruin is.
Jy moet hulle heeltyd omkeer sodat hulle egalig bruin word.

LET WEL: wanneer hulle gaar word, dryf hulle na bo.
Hou maar mooi dop dat hulle nie brand nie.
*Smaak heerlik, net so. Of saam met koffie.