GIDEON SE VARKIEBROOD
4 koppie koekmeel
400 ml lou warm water
2 eetlepels kookolie
10 g kitsgis
½ teelepel sout
1 eetlepel suiker

Meng al die droë bestanddele saam.
Voeg die olie by die water.
Voeg die water by die droë mengsel en knie tot ‘n elastiese deeg.
Laat dit rys op ‘n warm plekkie tot dubbel so groot.
Knie dan af en verdeel in ewe groot dele om in pannetjies te pas.
Bak vir 40 min op 180 ºC in voorverhitte oond.

Die reseppie is heerlik en ek wil se flater vry !

Resep en foto:  Gideon Louw

BIERBROODJIE IN VARKIE-OOND
500 g wit bruismeel
5 ml sout
10 ml olyfolie
250 ml gerasperde cheddarkaas
10 gekapte swart olywe
125 ml gaar spek wat in blokkies gesny is
‘n klein bietjie gekapte vars of droë kruie na smaak (ek het vars tiemie en pietersielie gebruik)
1 blikkie (340 ml) bier

Meng die meel, sout en gerasperde kaas, olywe, spek en kruie saam in ‘n groot mengbak.
Gooi die hele bier en olyfolie by en meng goed.
Sit die meelmengsel in ‘n gesmeerde broodpan van sowat 18 cm x 8 cm.
Bak in die varkie-oond of ‘n warm oond teen 180 °C vir sowat 45 tot 60 minute.

BRON- Louise Venter